日做夜做無停手，唔少打工仔都會突然心血來潮唔想返工（其實有得揀邊個會想返工吖），於是求其搵個藉口射波，等自己好好休息一下。以為射波原因嚟嚟去去都係得「傷風」、「感冒」、「發高燒」咁無新意？咁就要好好「參詳」一下小編搜集回來嘅5個請假好理由！

1.「我和男／女朋友分咗手。」

（截圖自《紀念日》）

　　同男／女友鬧分手，傷心又傷身，仲點會有心情開工。就算返到公司，相信絕大部分時間都只係識得對住部電腦「喊苦喊忽」。

2.「我壓力好大呀！」

（截圖自《與神同行2》）

　　香港人壓力大絕對唔係乜新鮮事，曾有調查指出，香港人嘅壓力指數全球排第五，更表示工作及經濟係壓力主要來源！返工咁大壓力，先得個（一般而言）12日年假，唔自製下假期點捱得住！

Read More：【打工仔哀歌】2019壓力最大的十大職業排行，你份工上榜了嗎？