25/07/2024
連詩雅曬首張全家福!被讚「化全妝」靚靚生B好神奇!陳家樂反而似坐月
連詩雅(Shiga)剛誕下「小公主」Camila一星期,今日Shiga終於正式post出全家福,靚媽一啲孕味味都冇,不過原來背後有苦自己知!
連詩雅post出一家三口合照,相中Shiga一啲都唔似剛剛生完,都係咁靚,頭髮仲一啲都唔笠;反而老公陳家樂就頭戴漁夫帽,好似佢先係坐月嗰個咁呀!Shiga留言:「Our first family portrait原來咁就過咗差唔多一星期,現在已經係媽媽啦!出院嗰刻望住Bb,突然間好感觸哭起來,咁就過咗9個幾月……望住呢個小生命,我只係想著,好想以後將最好給她,好想好好保護她、愛護她,希望她好好成長,開心快樂活著每一天就夠了。#第一張一家三口嘅合照#爭咁屋企兩個寶貝(家中兩隻狗狗)#咁就一家五口啦#感恩」
雖然Shiga表面上好輕鬆,不過原來生完B之後身體都有啲變化,日前佢Post出腫到好誇張嘅雙腿,Shiga留言:「整個懷孕期反而從來冇腳腫過,生之前都完全冇事,但係生完之後竟然腫豬蹄咁!」不過幸好Shiga本身非常瘦,就算腫咗都仲係slim,相信都好快會恢復到!
另外,有唔少網民都非常好奇點解Shiga去生仔之前都可以keep住靚靚,生完bb一刻都可以化晒全妝同bb、老公影合照,生過嘅朋友都表示生完都「灰頭土臉」,覺得好神奇。Shiga都忍唔住喺story分享佢嘅「秘訣」,post出靚靚自拍片,表示:「用孕婦都安全嘅膠水植咗上下眼睫毛,咁就日日起身都好似Full MakeUp咁啦。冇搽其他嘢都可以做到呢個效果。」不過其實都要Shiga天生皮膚好,先可以素顏都咁容光煥發呀!
轉載自: 晴報
【你點睇】當局擬放寬九龍東商業區土地用途,有議員認為應推廣至全港都開放些少,你是否認同?► 立即投票