上星期提到原來在辦公室工作的打工仔，會有不同秘技去提升辦公環境，從而令到自己長時間的「捱騾仔」生涯可以過得輕鬆一點。上集的Tips你有沒有用過？今集又有幾個個Tips你是意想不到的？ 

1.茶包辟味法

　　這一招是在舊公司學回來的，舊公司規模比較小，每星期只有二日有姐姐來打掃，衛生問題自然有待改善。一個唔好彩，又被安排在陰暗潮濕的位置，櫃桶和座位久久有異味不散？把茶包放在櫃桶、枱底的電腦主機上、掛在座位附近。茶包中的茶葉有很強的吸附作用，可以將異味和濕氣吸走，幫你保持座位附近乾爽之餘又有淡淡茶的清香味。有帶開飯的話，又可以把已用了一個星期的茶包，逐個拿來當百潔布洗飯盒，因為茶葉同時擁有超強的去油力，可以輕易洗走飯盒上的油污！ 

2.反間諜照鏡法 

　　這一招我自己發明，本來的原意是為了對付自己討厭的同事，後來發現照鏡法還可以保護自己，免受上司突然的攻擊。做法是把一面鏡子放在枱上，再把鏡調校到適當的角度，反射着你背後或是門口的位置，讓你坐在位置上工作時，可以隨時透過鏡的反射，留意後面有沒有人、或是有沒有上司準備經過。適當時候，又可以把鏡子作為整理儀容的普通工具。最重要的是，當有人問起鏡子，你都可以大條道理解釋是為了照自己而用。不過要小心，你在鏡子中看到別人的時候，對方亦可在鏡子中看到你正在偷看他，所以建議鏡子不要太大塊，減低引起別人的注意。

3.LUNCH後牙科保健法

　　作為一個出入中環的靚靚OL，對自己的儀容實有一定的要求。而原來口腔儀容都十分受到關注，很多OL都會在公司存放刷牙三寶：牙刷、牙膏、漱口水，每日Lunch後洗手間都會出現幾個靚靚OL在洗手間刷牙。雖然Lunch後刷牙看似誇張，但經過與她們的溝通，才知道要做一個完美的靚靚OL，真的需要點苦工。

　　「點解咁堅持日日食完飯都要刷牙嘅？」

　　「喺呀！唔得呀，我接受唔到食完飯果陣味呀！」

　　「食香口膠咪得囉？」

　　「千祈唔好呀！塊面會方架！」

　　「咁香口SPRAY呢？」

　　「咁不如直接刷牙啦，又唔怕有野攝住，又唔會有口氣，全面啲嘛！仲可以刷完牙補唇膏，補埋妝都得！出到嚟成個人靚番哂！」

　　雖然本人未至於要追求完美到在Lunch後刷牙，其實在辦公室刷牙不是新奇的事。在日本，上班族刷牙很普通，而小學生午飯後刷牙更是每天上堂必做之事。除了保持衛生，刷牙三寶放在公司亦可作為準備，準備老闆突然要求做通宵，趕project。所以發現同事有刷牙三寶？比個「禮」他們以示尊敬吧！