28/06/2018
他總是很被動……是慢熱?還是裝作若無其事?
他們約會過數個月,一直戀人未滿...
「你哋發展咗一段時間,未一齊呀?」想問的該不只是我。
「同佢有出去,亦keep住日日WhatsApp,相處係唔錯。」她淡淡的說:「但佢太被動,我唔主動搵佢,佢都唔會message我,更加唔會主動約。」
出去又會出,加連綿不絕的WhatsApp,沒意思,沒可能啦。
「我有問佢,我哋係咪發展緊,佢答我係,但其實咩表示都無。」
「你有無俾signal人㗎?」到我插嘴了。
「我暗示過,又俾哂機會,佢都無咩回應,唉...唔通要我追佢,開口表白咩,哈。」
感情膠著不就是男方被動得有如無動於衷,大家一直不上不下。這種人遇過不少啦,明明相處幾好也心知有feel,但千行萬行始終無下文。可能平時被縱慣寵慣,事事送到埋口。
雖說這年代已不分男女出手,但每當你明示、暗示過後,對方都毫無表示,繼續懶懶行,等人行多步,找他約他,誰都會無癮吧。難不成要女人全做主動,把話說出口,相約兼表白,牽他手再投懷送抱,才夠明顯嗎?!是他太慢熱,還是裝作若無其事?喂,接受、不接受,好歹也說一句吧。
沒有誰想把自己往一個冷冰冰的人上貼,再主動都會累,再喜歡都會冷掉,既然他樂於繼續被動得沒心沒肺,做開主動的人也該識趣離開。
「我都有猶疑,如果我再俾多啲耐性,結果會唔會唔同呢?」她嘆了口氣。
等一個不知有無可能等到的答案,還不捲席而逃麼,太被動的男人一點都不吸引!
《經濟通》所刊的署名及/或不署名文章,相關內容屬作者個人意見,並不代表《經濟通》立場,《經濟通》所扮演的角色是提供一個自由言論平台。
【你點睇】有健身中心宣布全線暫時結業,議員指巨額預繳式長約並不合理,你日後若「入會」會更留意邊方面?► 立即投票