03/11/2023
思家大戰 | 李思捷串爆黎芷珊:細細個就睇你!《叠影狙擊》演員周秀娜、黃浩然等對決台慶MC
李思捷主持的《思家大戰》於周日(5日)請來台慶劇《叠影狙擊》演員,對戰台慶主持人組合;由周秀娜率領的「叠影狙擊」 隊,隊員包括黃浩然、郭政鴻、關禮傑和蔡穎恩。鄧梓峰則領軍「台慶MC」隊的黎芷珊、馮盈盈、林溥來和吳幸美迎戰。
「叠影狙擊」隊有周秀娜(左起)、黃浩然、郭政鴻、關禮傑、蔡穎恩。
今集《思家大戰》火花十足,周秀娜透露在《叠影狙擊》中一人分飾兩角,而黃浩然則是大反派:「同周秀娜對手戲最多,由利益關係漸生感情,慢慢鍾意咗佢,所以拍攝時要揣摩一下。」而郭政鴻、關禮傑是一對兄弟,但卻有不少衝突場面,郭政鴻不慎劇透:「我哋呢套劇仲有好多反派!」
「台慶 MC」隊吳幸美(左起)、林溥來、馮盈盈、黎芷珊、鄧梓峰。
台慶MC隊則大展口才,個個牙尖嘴利,李思捷大爆鄧梓峰最「高竇」,笑謂:「節目播到第三季,用咗三季時間先請到鄧梓峰上嚟。」鄧梓峰一派輕輕鬆鬆解釋:「兩個原因啦,一嚟我要諗著乜衫上嚟節目,呢個問題都諗咗年幾;二嚟我要知點玩先夠膽上嚟玩,睇咗好多集參考一下先,即係好似我讀書咁,我要留幾年班先夠膽考會考囉!」令全場發笑。
鄧梓峰風趣幽默,大放笑彈。
黎芷珊分享任台慶司儀的感受,她最開心能著靚靚上鏡,李思捷衰多口:「你真人同上鏡都咁靚,我細細個就睇你。」黎芷珊聞言即鼓起泡腮扮嬲指住李思捷話:「你係咪要講細細個呀?」未玩遊戲,先有火花。
思捷衰多口「激嬲」芷珊姐姐。
正式玩遊戲時,李思捷問問題:「有一個相同性別孖生兄弟姊妹嘅好處?」周秀娜答:「可以頂替對方。」李思捷即問:「係咪好似你喺套劇入面咁?」周秀娜笑住回答:「唔係!但我哋share男朋友用。」眾人大為譁然,鄧梓峰搭嘴:「追同一個女仔,邊個得閒邊個去,我都有一對孖仔,呢方面佢哋就冇話我知,我估啫。」全場爆笑。
思捷重演名場面!
娜姐答問題好認真。
李思捷又再施展扮嘢本色,他曾在電影《勁抽福祿壽》中分別以四大天王、汪明荃和鄭少秋的聲綫講出:「周秀娜,你今次仲唔笑?」李思捷重演這句經典對白,大叫:「周秀 娜你今次仲唔贏?」相當搞笑。
「轉載自晴報」
轉載自: 晴報
【你點睇】烏軍攻入俄國庫爾斯克州近兩周,並炸毀兩座重要橋樑,你認為俄烏戰爭會否急劇惡化?► 立即投票