近來，我成為咗大家嘅熱門話題。我每日早上都收到過百個短訊問我拎「貼士」，上到facebook，見到好多人都在討論自己。大部分人都當成一個玩笑，亦有小部分人對「燈神」之說極為認真。

大家笑下就算啦，今晚開開心心一齊睇波！

　　我在想，自己只是不停被人在網上討論，都覺得有點不自在。如果世界杯球場上的球員，他們每日承受着的壓力一定極度大。想到此時，我就覺得我自己的事太小了，心情即時變得輕鬆。

　　講到近來最大壓力嘅球員，一定係西班牙門將卡斯拿斯。首場分組賽多次犯錯，最終1︰5慘負荷蘭，極多人批評佢，連佢本身都認為自己要承擔責任。

　　偏偏這個時候迪基亞受傷，而連拿今年嘅表現亦未算穩定。西班牙教練迪保斯基隨時都要繼續卡斯拿斯頂硬上。

　　但我仍相信卡斯拿斯，因為佢始終身經百戰，一定可再次站起來。希望佢今夜對智利可以力保不失，爭氣呀！

轉載自晴報