09/09/2022
下月開騷興奮失眠 陳曉東想邀MIRROR做嘉賓
【晴報專訊】陳曉東將於下月22日在西九文化區舉行《Harbour the Sonic陳曉東2022演唱會》,移居內地的東東,一直緊貼香港樂壇走勢,亦有留意新一代歌手。東東相隔三年在港開騷,東東坦言最想邀請人氣男團MIRROR和炎明熹做嘉賓。
東東昨日舉行演唱會記招,會上表示2019年開騷後已計劃開part 2,卻因疫情而推遲計劃。東東指快將開騷心情興奮到失眠,他表示︰「記者會之前一晚都瞓唔著,呢排心情興奮、緊張又忐忑。」他透露目前正籌備歌單,希望能滿足fans要求,他笑言︰「不過如果要唱晒fans揀嘅歌,要唱八個鐘先夠。」
東東剛踏入47歲生日,大會安排了蛋糕給他。
至於嘉賓方面,東東透露暫時已邀得C AllStar成員DJ King,希望與對方擦出火花。東東表示想與新一代歌手合作,他說︰「都想搵個女嘉賓,我想邀請炎明熹,睇《聲生不息》時開始留意佢,唱歌真係幾好聽!」他指有意邀請MIRROR,「不過佢哋依家休息緊,我試下邀唔邀請到佢哋啦。」
東東最想跟新一代歌手合作,欲邀MIRROR任演唱會嘉賓。(資料圖片)
太太湊女唔陪開騷
今次返港有妻相陪,東東指開騷時太太已返回北京,他回想19年開騷時,太太有幫忙在場外賣海報。東東笑言︰「所以啲fans同我老婆好friend㗎,但係今次開騷嘅時候,老婆已經返咗北京湊兩個女,我要諗邊個幫我去賣海報增加收入呀,哈哈!」東東指現階段正密鑼緊鼓籌備演唱會事宜,正控制飲食及努力做運動keep fit,同時亦要練歌;不過他透露演唱會有新元素,相信很好玩,所以一切努力都值得!
轉載自: 晴報
《說說心理話》【驚恐症來襲】無預警發作...患者親身講述得病經歷及康復過程!必要時自己做一件事可幫到手!► 即睇