上海派代表：一品香 小籠包$38元8隻！

　　一品香隱藏在2樓一角落裏，不論是店內裝飾還是前後忙活的店員，都有些年紀。到訪時為下午，只見門口收摺唔少大圓枱，想來晚上又是另一種熱鬧場景。

　　一坐下，婆婆便遞來菜單和一壺熱茶。問她有什麼推薦，婆婆幾乎把餐牌上的所有菜名都報了一遍，跟著說「全部都好吃，都推薦啊！」

　　來到上海餐館，當然是叫一屜小籠檢驗一下水準。雖然時序上已是小雪節氣，但香港竟如此炎熱，叫一碟七彩拌涼麵，解一解冬日「熱」氣。

　　慢慢呷著茶，等著我的小籠上枱。下午四點這時段食客少，公公婆婆便趁著這段空閒開飯。婆婆替我落完單，端著碗上海湯年糕坐在我旁邊，笑著說要跟阿妹「撐枱腳」。

　　等了差不多15分鐘，熱辣辣的小籠包端上來了，$38有8隻，此價格全城難搵到第二間！小籠包個頭適中，皮唔算薄。第一時間當然是相機先食，在我尋找各角度影靚相時候，另一個婆婆係我身後經過，忍不住開口：「趁熱食啦，凍咗唔好啦。」在她眼中，年輕人的壞習慣真是要不得。

咬開來看，肉餡緊實，湯汁鮮甜，真材實料！