06/08/2026 11:59
《魚缸博客》內地要向境外保單要徵稅，會唔會搞冧香港樓市？
《魚缸博客》今日最大消息，就不得不講內地稅務要對境外保單收稅。
據《財新》報道，為了堵塞長期存在的監管漏洞，內地稅務部門已開始對境外保單收益徵收個人所得稅20%；其中北京與杭州的有關部門已開始執行相關措施，對香港保單的收益，包括股息派發及預繳保費產生的利息。
大家要留意，佢係講緊「收益」，即係你份保單「有錢賺」，賺左個PART，你要嘔兩成俾內地稅局；有趣嘅，先唔好講香港保險分紅有無「收益」呢件事，內地人買香港保險，好多都唔係為賺錢。至於咩原因，你知我知，單眼佬都知。
所以有人話呢期內地監管出手，先出擊證券業，再後抽保險業，其實都係為阻止資金外流，但你又不能完全封殺內地人去香港買保險，因為就算國壽平保都係香港有市場，都唔使講咩滙豐AIA呢班，所以只能隻眼開隻眼閉。
由此可見，今日保險股股價，確實係過度反應，如果想撈都可以趁今日係機會；至於有人話會影響港樓，博客認為就未必啦，短期而言可能香港保險業新增保單會受影響，但長遠來講，等風聲無咁緊，自自然然又會多返人買，畢竟佢並唔係完全關左條水喉，而係「你要飲水但要分小小俾我」呢種做法，博客覺得無需過分擔心囉。
《編者按》本欄搜羅即市傳聞，惟消息未經證實，《經濟通》亦不保證內容之準確性。
據《財新》報道，為了堵塞長期存在的監管漏洞，內地稅務部門已開始對境外保單收益徵收個人所得稅20%；其中北京與杭州的有關部門已開始執行相關措施，對香港保單的收益，包括股息派發及預繳保費產生的利息。
大家要留意，佢係講緊「收益」，即係你份保單「有錢賺」，賺左個PART，你要嘔兩成俾內地稅局；有趣嘅，先唔好講香港保險分紅有無「收益」呢件事，內地人買香港保險，好多都唔係為賺錢。至於咩原因，你知我知，單眼佬都知。
所以有人話呢期內地監管出手，先出擊證券業，再後抽保險業，其實都係為阻止資金外流，但你又不能完全封殺內地人去香港買保險，因為就算國壽平保都係香港有市場，都唔使講咩滙豐AIA呢班，所以只能隻眼開隻眼閉。
由此可見，今日保險股股價，確實係過度反應，如果想撈都可以趁今日係機會；至於有人話會影響港樓，博客認為就未必啦，短期而言可能香港保險業新增保單會受影響，但長遠來講，等風聲無咁緊，自自然然又會多返人買，畢竟佢並唔係完全關左條水喉，而係「你要飲水但要分小小俾我」呢種做法，博客覺得無需過分擔心囉。
《編者按》本欄搜羅即市傳聞，惟消息未經證實，《經濟通》亦不保證內容之準確性。