23/06/2026 11:59
《魚缸博客》大行吹緊年內加息三次，股市已經開始Price in？
《魚缸博客》近期港股開始深度回調，由2萬6跌到落2萬3，博客覺得，關鍵之一係大家都Price in左加息問題，近期大行都推測緊今年年內會唔會加息三次。
其中美銀預計，聯儲局將在2026年9月、10月及12月各升息25個基點，累計升息75個基點，屆時聯邦基金利率目標區間將升至4.25%至4.50%。
美銀證券指出，沃什去年將聯邦儲備銀行75個基點的降息定性為「風險管理」舉措，背景是彼時勞動力數據出現明顯放緩；但今年以來非農就業成長已重新回升至趨勢線以上，顯示勞動市場已觸底穩定。
即係話，大行已經覺得美國就業數據已經觸底，而相信大家都接受左「高油價」、「高通脹」問題，所以有條件進行加息。
年內係咪加息呢個問題，除左睇聯儲局主席，可能仲要睇特朗普。其實係鮑威爾任期內，特朗普已經不下幾次都叫鮑威爾拿拿聲減息，否則炒佢魷魚；到而家鮑威爾都正式卸任，沃什據稱係特朗普扶植上任，會調轉槍頭就去加息？呢一點真係耐人尋味。
不過美股未跌，港股先行，學網友話齋：「美股跌，港股跌；美股升，港股都跌；所以美股升唔升，港股都係會跌。」港股係咪真係Price in加息呢個問題，真係睇你點解讀。
《編者按》本欄搜羅即市傳聞，惟消息未經證實，《經濟通》亦不保證內容之準確性。
其中美銀預計，聯儲局將在2026年9月、10月及12月各升息25個基點，累計升息75個基點，屆時聯邦基金利率目標區間將升至4.25%至4.50%。
美銀證券指出，沃什去年將聯邦儲備銀行75個基點的降息定性為「風險管理」舉措，背景是彼時勞動力數據出現明顯放緩；但今年以來非農就業成長已重新回升至趨勢線以上，顯示勞動市場已觸底穩定。
即係話，大行已經覺得美國就業數據已經觸底，而相信大家都接受左「高油價」、「高通脹」問題，所以有條件進行加息。
年內係咪加息呢個問題，除左睇聯儲局主席，可能仲要睇特朗普。其實係鮑威爾任期內，特朗普已經不下幾次都叫鮑威爾拿拿聲減息，否則炒佢魷魚；到而家鮑威爾都正式卸任，沃什據稱係特朗普扶植上任，會調轉槍頭就去加息？呢一點真係耐人尋味。
不過美股未跌，港股先行，學網友話齋：「美股跌，港股跌；美股升，港股都跌；所以美股升唔升，港股都係會跌。」港股係咪真係Price in加息呢個問題，真係睇你點解讀。
《編者按》本欄搜羅即市傳聞，惟消息未經證實，《經濟通》亦不保證內容之準確性。