有安仔陪跑步 鄭秀文開心影響家人積極運動

　　【晴報專訊】鄭秀文（Sammi）昨天出席《香港癌症基金會粉紅革命2022啟動禮》，並以身作則呼籲女士做身體檢查。Sammi表示會定期做婦科檢查，認為任何年齡層都需要做身體檢查，「我有親人都試過呢個經歷（癌症），所以做身體檢查好重要。健康無僥倖，要配合飲食同運動，始終身體機能會隨年齡衰退，一定要做運動保持狀態。依家我鍾意舉鐵，每次舉十幾磅，老公（許志安）有時會陪我跑步。」

Sammi連續四年擔任「粉紅大使」，宣揚關注乳癌疾病。

　　Sammi最開心能影響到家人都愛上做運動，她笑說︰「有一個家姐從來唔做運動，喺我鼓勵下都開始操fit自己，最開心連80幾歲嘅媽媽喺屋企都做下『甩手操』，健康係靠自己努力！」另外，Sammi透露已入紙紅館申請開演唱會，希望能在夏天開騷，她笑指因為怕凍！

Sammi指老公安仔會陪她做運動。（資料圖片）