綠在屯門｜零廢未來嘉年華

活動簡介

歡迎大家於嘉年華當日一齊參加環保工作坊，學習更多環保知識，並活用於日常生活，睇下當日有啲咩活動啦～

檸檬潔廁凝膠 

喺打掃清潔時，你係咪會擔心室內瀰漫著化學清潔劑刺鼻嘅氣味；又或者經常接觸含化學成分嘅清潔用品，可能會刺激皮膚。

其實清潔都唔駛「傷神又傷身」㗎，今次導師教大家利用天然材料製作對自己及環境友善嘅檸檬潔廁凝膠，實用又環保，輕輕鬆鬆清潔家居，齊齊愛護海洋生態。

舊布重生驅蚊手帶

屋企有唔再著嘅衣服，但仲好新淨，點算好？除咗可以進行舊衣回收之外，仲可以搖身一變成為既時尚又實用嘅「驅蚊手帶」，無需任何複雜嘅裁縫技巧，齊齊善用身邊資源升級再造，實踐綠色生活告別化學驅蚊產品~

山茶花玫瑰乳霜

喺琳瑯滿目嘅護膚品中，您是否有仔細閱讀過背面嘅成分標籤，揀選對皮膚較低刺激性嘅產品呢？

導師當日會教大家利用天然材料製作山茶花玫瑰乳霜 成分溫和親膚，不含刺激性化學物質，保濕滋潤肌膚之餘亦減少化學產品對人體及環境造成嘅傷害~

升級手作卡片套

舊Banner既難以重用，又無法回收，可以點算好呢？

有辦法，除咗減少使用Banner之外，仲可以發揮小創意將舊Banner升級再造，以全新嘅姿態卡片套 ，繼續陪伴喺我地嘅日常生活之中~ 想知點整就記得參加啦~

「你帶回家的不只是作品，更是一種惜物的生活態度。」

活動咁豐富，一定要約埋親朋好友當日嚟到 #綠在屯門 報名參加啦～千祈唔好錯過！

活動：「生態磚」升級再造環保傢俱展、環保工作坊、免費二手物市集、攤位遊戲及「尋牛記」特別活動

活動詳情：https://shorturl.at/2zgKz

注意事項：

1. 如有發燒或身體不適，請避免前往「綠在屯門」。

2. 活動期間需按職員指示排隊輪候。

3. 環保工作坊材料由「綠在屯門」提供，活動採用即場報名方式（先到先得，額滿即止）；每名參加者須親身在指定位置排隊等候，並依照排隊次序進行報名。

4. 每節工作坊會於活動前20分鐘開放排隊輪候及報名。

5. 免費二手物市集只會派發，不會進行收集活動。