绿在屯门｜零废未来嘉年华

活动简介

欢迎大家于嘉年华当日一齐参加环保工作坊，学习更多环保知识，并活用于日常生活，睇下当日有啲咩活动啦～

柠檬洁厕凝胶 

喺打扫清洁时，你系咪会担心室内弥漫着化学清洁剂刺鼻嘅气味；又或者经常接触含化学成分嘅清洁用品，可能会刺激皮肤。

其实清洁都唔驶「伤神又伤身」㗎，今次导师教大家利用天然材料制作对自己及环境友善嘅柠檬洁厕凝胶，实用又环保，轻轻松松清洁家居，齐齐爱护海洋生态。

旧布重生驱蚊手带

屋企有唔再着嘅衣服，但仲好新净，点算好？除咗可以进行旧衣回收之外，仲可以摇身一变成为既时尚又实用嘅「驱蚊手带」，无需任何复杂嘅裁缝技巧，齐齐善用身边资源升级再造，实践绿色生活告别化学驱蚊产品~

山茶花玫瑰乳霜

喺琳琅满目嘅护肤品中，您是否有仔细阅读过背面嘅成分标签，拣选对皮肤较低刺激性嘅产品呢？

导师当日会教大家利用天然材料制作山茶花玫瑰乳霜 成分温和亲肤，不含刺激性化学物质，保湿滋润肌肤之余亦减少化学产品对人体及环境造成嘅伤害~

升级手作卡片套

旧Banner既难以重用，又无法回收，可以点算好呢？

有办法，除咗减少使用Banner之外，仲可以发挥小创意将旧Banner升级再造，以全新嘅姿态卡片套 ，继续陪伴喺我地嘅日常生活之中~ 想知点整就记得参加啦~

「你带回家的不只是作品，更是一种惜物的生活态度。」

活动咁丰富，一定要约埋亲朋好友当日嚟到 #绿在屯门 报名参加啦～千祈唔好错过！

活动：「生态砖」升级再造环保家俱展、环保工作坊、免费二手物市集、摊位游戏及「寻牛记」特别活动

活动详情：https://shorturl.at/2zgKz

注意事项：

1. 如有发烧或身体不适，请避免前往「绿在屯门」。

2. 活动期间需按职员指示排队轮候。

3. 环保工作坊材料由「绿在屯门」提供，活动采用即场报名方式（先到先得，额满即止）；每名参加者须亲身在指定位置排队等候，并依照排队次序进行报名。

4. 每节工作坊会于活动前20分钟开放排队轮候及报名。

5. 免费二手物市集只会派发，不会进行收集活动。