【絕世好橋】同上司出trip，如何令你住靚房佢住蚊形房？

　　有出trip經驗嘅扮工仔，唔知你鍾唔鍾意出trip，但本人就十分討厭係現時嘅「血汗工廠」出trip！因為出trip除咗要24小時對住上司做假面人之外，最緊要係冇得補假，簡直係蝕到止唔到血。不過，有同事教路，如何係冇得推trip嘅情況下，令你個trip出得開心少少。

 

 

　　有一次，同事Angela被欽點嚟緊要同上司及另一個女同事出trip四日三夜。有經驗嘅打工仔都知道，為咗應付business trip，出trip前嘅工作量實係突然暴增，突然要啃呢舊冇人想食嘅「豬頭骨」，Angela本身已經好不滿！而且上司竟然要求Angela做trip planner！ 

 

　　「阿Angela，你做完果幾份proposal，幫我做埋research！睇吓住邊間酒店近啲客、又方便，同埋你醒目少少揀間靚啲嘅，我要deluxe以上嘅房，你同Purple book間Twin啦！ 同埋睇埋啲交通資訊啊等等。仲有，電話上網一定唔可以慢！總之個Trip交俾你啦！」 

 

　　Angela聽完梗係㷫過火屎！身為一個專業人員，竟然要做呢啲安排嘅工作？大大個秘書坐喺度，全公司上下咁多人出trip，點安排、咩路線，人哋10分鐘搞得掂，點解係都要喺佢最忙嘅時間，做啲本來唔應該屬於佢嘅工作！卒之， Angela OO吓T諗左條絕世好橋，為自己嬲到邊種嘅心情平衡一下！ 

 

　　「你就六點半收工，我同Purple就做到九點！」（自言自語） 

 

　　「係囉！自己就住deluxe，要我地兩個人迫間雙人房？虧佢好意思講得出！」（Purple加入） 

 

　　二人靜止對望三秒，Angela：「不如我哋扮couple，係 ”special requirement”一欄話係anniversary trip，搏佢upgrade。之後阿姐間deluxe就用你credit card再分開book，等佢唔知我地係3人行！」 

 

 

　　雖然，呢招未必萬事萬靈，但起碼適用於呢個trip！阿姐就住佢夢寐以求、高人一等嘅deluxe room，Purple同Angela就真係upgrade左⋯去suite，仲有驚喜room service 送上anniversary cake添！我知道，一定會有人話Angela呢個行為貪小便宜，影衰香港人。但其實，酒店都要有吉房，先會upgrade比你啫！你唔搏佢upgrade，間房咪又係丟空係度。咁不如好似Angela咁，諗諗計去搏upgrade。如果成功，佢堂堂一個上司都要住得cheap過你，仲可以一吐你返工畀佢壓迫嘅不快！要講道德，咁下次真係去旅行嘅時候唔好用呢招囉！

 

 

 《經濟通》所刊的署名及／或不署名文章，相關內容屬作者個人意見，並不代表《經濟通》立場，《經濟通》所扮演的角色是提供一個自由言論平台。

• 

【你點睇】港府本年度已錄逾2千億元赤字，有議員指或難符基本法力求收支平衡之規定。你認為當局應如何解決財政問題？► 立即投票