【左右為難】上司誤踩親人是狗，你會點做？

 

　　近日香港因為宣誓風波、釋法問題搞到滿城風雨。每個人都有權利擁有自己的政治立場，享受香港人（暫時）擁有的言論自由，發表自己對政治的看法。不過，在辦公室發表政治立場，除非你是高層，否則少說為妙。但假若上司的政治言論冒犯了你最親的人，你又會選擇出聲解釋，還是為份工而沈默？ 

 

　　今次花生事件主角是一名乖乖女Bobo。Bobo平日乖到不得之了，外表斯斯文文，做事跟到足永冇甩拖，上司說的話一定會記實，是個又聽話又聰明的女同事，所以同事們都對她特別憐香惜玉。而另一個主角就是隔離Ｍedia team的大佬Ivan。人稱焚爺的他，雖然大大隻隻看似粗獷，其實只會勞役男同事，對女同事卻十分溫柔，有事寧願自己「頂」都不願糟質她們。 

 

　　一次跨部門合作，Media team想找其他Team同事幫忙，找一些願意上鏡出樣的男受訪者做訪問。友善過友誼小姐的Bobo當然十分幫手，為Media team找來一個男性受訪者。 

 

 

　　「焚爺！你地咪想要啲男受訪者嘅？我有個朋友得呀！不過要就就佢，去佢果到做訪問啊！」 

 

　　「冇問題！唔該哂你呀Bobo！佢幾時、喺邊方便呀？」

 

　　「幾時要再firm你，不過地點喺警察總部附近得唔得呀？」 

 

　　「警察總部？你個Friend比人拉左去落口供啊？」（講笑） 

 

　　「唔係呀，佢喺果度收工啊，諗住大家港島區都方便嘛。」 

 

　　「哦！警犬！」（語帶鄙視） 

 

　　「呃……係啊……」 

 

　　「點解你同到呢啲人做朋友嘅？我就接受唔到囉，同隻狗做朋友。阿妹你帶眼識人啦，好仔唔當差，而家做得公務員嘅都唔方係好人。」 

 

　　「咁都唔係個個都係衰人嚟嘅……都係打份工啫……係人都要生活……」 

 

　　「得啦！唔洗講啦！我哋唔夠人自己再搵啦！要我受啲垃圾恩惠，我受唔起呀！」（打斷對方） 

 

 

　　這件事震驚兩個部門的人。第一，Media team同事第一次見焚爺用如此惡劣態度去對待女生，而且還要是大家都疼錫的Bobo。第二，聽話過綿羊的Bobo第一次駁嘴，還要挑戰隔離team份量十足的大佬，畫面就如電影《海底奇兵》裏嘅Nemo大戰Bruce一樣，稀有又極端。不過，據知Bobo的那位男性朋友，其實就是她嘅男朋友。Bobo出盡親情牌，叫男朋友上鏡露面，為嘅，不是關乎自己生死嘅大project，而是隔離team要解決易過借火嘅小問題。 

 

　　其實人人都可以有政治立場，但請不要試圖改變對方的立場，硬碰硬多數不會有好結果。到頭來，導致不少「unfriend」、絕交出現。職場上，假若你是Bobo，你又會否出現為至親抗衡上頭？

 

 

 《經濟通》所刊的署名及／或不署名文章，相關內容屬作者個人意見，並不代表《經濟通》立場，《經濟通》所扮演的角色是提供一個自由言論平台。

• 

【etnet 30周年】多重慶祝活動一浪接一浪，好禮連環賞！ ► 即睇詳情