【估你唔到】辦公室裏，活得最奢華的竟然是…

　　同一間公司，大家賺的人工差距可以很大，管理層起碼5、6萬蚊起跳，但小薯就可能只有2萬幾，甚至萬幾蚊薪金。不過據觀察，生活得最舒服、最豪華的一群，絕對不是收入最高的那一群！反而是收入較低的小薯群。嗱嗱嗱，不用零秒反駁。因為並非所有小薯都可以享有如此生活，立即看看自己有沒有中以下兩點，才下定斷。

 

 

第一點：畀家用

 

　　曾經聽過剛剛踏入社會的新薯討論，究竟應該上繳人工多少個百分比的家用，才算合理。

 

　　「我不嬲都冇畀喎，屋企人都冇問我拎！」

 

　　「係囉！畀嗰2、3千蚊，幫補唔到咩，我阿媽都叫我袋返，自己慳啲洗！」

 

　　雖然新薯賺得少，但總算「賺幾多，袋幾多」，而且又不用負擔任何家庭開支，名副其實「賺錢買花戴」！相反，一班中薯、甚至高層因為年紀愈大，責任愈大，要供養的人就自然更多！一個賺4、5萬的經理級人物，扣除供養父母、供養子女、自己的家庭開支，每月剩下可用的錢分分鐘比新薯還少！所以，免畀家用是成為「最歎小薯」的第一個要點。

 

 

第二點：去旅行

 

　　據非正式統計，七成香港人堅持返工，只係為了去下一個旅行！我公司的新薯，旅行一個接一個，話要同唔同圈子的人去喎～正當我好奇新薯那二萬蚊的人工，如何支撐兩、三個月就去一次旅行。原來，秘密在這裏：

 

　　「嘩，你又去旅行？今次仲要去歐洲添！好貴呀！」

 

　　「係啊！今次仲要同屋企人去，佢哋實住埋啲好貴嘅酒店喇！」

 

　　「同屋企人去旅行真係人生一大考驗！你咁乖，叫佢哋住平啲或者幫補下囉！」

 

　　「唔得喇！機票已經係Daddy出！所以我想比酒店錢啊。」

 

　　「哦！你地一家人，一人出一樣錢啊？咁算啦，住貴少少囉，反正用少咗機票嗰筆！」

 

　　「唔係啊，我諗住出我自己酒店錢咋！」

 

　　當我仲以為新薯咁孝順，請一家人去旅行。原來非也，只是父母請他去旅行，更要連酒店錢都只打算出自己份。難怪，賺咁少都可以周遊列國。相比之下，高層少少的同事去旅行簡直是夢！你知啦，做得高層都有相當年資，沒有人請之餘，反要全包家人。而且，旅行地點亦因身分和經歷問題，少去較便宜的東南亞、中、台地區，一家四口去個旅行分分鐘要洗你2個月人工。所以，論去旅行，小薯又勝！

 

 

　　其實，以上兩點都可以用一詞去簡單說明，就是「靠父幹」！有父蔭，真是辨公室最低層都可以活得比高層自在、舒適！不過當然，人愈大，父蔭就愈來愈少，責任也愈來愈大。假若你仍然身為最高級的法國薯仔，請好好珍惜身邊一直支持你的父母！

 

 

 《經濟通》所刊的署名及／或不署名文章，相關內容屬作者個人意見，並不代表《經濟通》立場，《經濟通》所扮演的角色是提供一個自由言論平台。

• 

【香港好去處】etnet全新頻道盛大推出！全港最齊盛事活動資訊盡在掌握！► 即睇