話說近期社會熱話就係「美國抖音難民落戶小紅書」，皆因美國禁令使Tiktok係美國被禁-其實係美國禁止TikTok最有可能的方式，就係命令應用程式商店（例如Google Play和蘋果的App Store）停止讓用戶下載該應用程式；不過抖音好大機會直接關閉美國Tiktok網域，美國國民同香港人一樣，用唔到外國版Tiktok。

　　小紅書今日就有個消息：據外電稱，小紅書多名股東正商談減持，擬以至少200億美元（約1560億港元）的估值出售部分股權，騰訊(00700)等大公司被指有興趣接手。小紅書就未係香港上市，所以想炒無得炒。

　　睇勻香港上市嘅內地社交軟件，好似快手(01024)有機會接力。

　　其實快手都成立十幾年，中國應用程式及小程式的平均日活躍使用者數突破9億，其主要競爭對手是抖音，所以我都幾唔明點解班「難民」會去小紅書，而唔係去快手海外版Kwai。Any肥，小紅書確實知名度係比快手高小小，但小紅書比較似「Instagram」，唔知班難民習唔習慣咁解。

　　博客估計，班美國難民見識到中國社交app強大，自然會玩埋其他app，點會都有少少流量帶動，而Kwai會唔會係下一輪難民佔領地。博客都係靠估，所以現價買快手，咪當買六合彩囉！

《編者按》本欄搜羅即市傳聞，惟消息未經證實，《經濟通》亦不保證內容之準確性。

【你點睇？】TikTok美國禁令生效前大批「TikTok難民」湧入小紅書，你認為該現象會否對中美文化交流帶來正面影響？特朗普暫緩禁令後小紅書熱潮會否持續？► 立即投票