今日五十大升幅股有隻港亞控股(01723)升一倍幾，主要有兩大消息，第一就係4名投資者共斥1.26億元向主席兼執行董事蕭木龍收購約70.26%股權，每股售價0.45元較停牌前股價折讓約5.26%；該4名投資者作為聯合要約人作強制性無條件現金要約，每股要約價同為0.45元。

　　主席賣盤之後，公司改名叫恒月控股，講到明「探索加密貨幣投資、Web3.0的機會及其他創新項目」。

　　Web3.0呢啲太長遠，講近少少，就係「探索加密貨幣投資」。特朗普上台之後，大家都知道佢係加密貨幣支持者，皆因做開生意都知道「投機」重要性，好似之前美圖都揸好多比特幣，股價就被人炒上炒落，最後仲套現有賺。

　　港亞控股過去一直都係兩三毫上落，係近五六個成交日有春江鴨買入，今日直上一蚊幾，相信短時間內波動好大，炒上落可以一戰。博客認為，今日公司市值先五億，要上多一倍亦唔難，關鍵係比特幣價格同特朗普態度。

　　如果想炒呢隻，就要mon住ETH,BTC啦！佢地入場/離場都可能係買入賣出機會。

《編者按》本欄搜羅即市傳聞，惟消息未經證實，《經濟通》亦不保證內容之準確性。

想要獨家投資理財Tips？即Like etnet 全新Facebook專頁► 立即讚好