今日真係好多消息要講下，首先就係特朗普2.0終於上場，好無懸念地，一上場第一件事就係解決Tiktok問題。TikTok發布聲明稱，公司已與互聯網服務提供商達成一致，恢復在美國的服務。目前，TikTok應用程序已恢復正常使用，TikTok網站也已恢復正常。

　　咁解決左Tiktok問題係咪就等於中美大和解呢？博客又唔係咁睇，呢個世界唔係純粹的一加一等於二，但暴露左美國人對社交媒體嘅控制權無想像中咁強。Tiktok係國際版抖音，而家你用禁令威脅佢，抖音自己話唔玩禁止美國人登入；轉個頭美國就話：「唔好意思，係我地衝動左小小。」美國自己都知道，Tiktok係國際影響力，假如美國人無得參與一份，即係自己變成一個孤島。

　　我估計美國擔心位係，禁左一個tiktok，你仲有小紅書、有快手，美國用戶如果俾中國意識形態控制，可能對於美國本土政治有一定程度影響；咁倒不如將班用戶留返係tiktok先，之後再從長計議。

　　呢一仗中國好似大勝，係意識形態上勝出。但必然會引起美國係第二個位報復，所以中港股市可能會係其中一個針對點，特別係對於美國資金流出流入方面，有機會加強管制。博客認為，恒指上到20000點企穩會係重要係訊號，但係屬於一個「看跌」信號，不論經濟環境／政治地緣，都唔足以支撐起港股繼續向上。

　　今年博客依然唔係幾睇好恒指，如果短炒可以，想入手睇長升，未係時候。

《編者按》本欄搜羅即市傳聞，惟消息未經證實，《經濟通》亦不保證內容之準確性。

【香港好去處】etnet全新頻道盛大推出！全港最齊盛事活動資訊盡在掌握！► 即睇