【追Likes鬥Fans數已過時！】Social Marketing做得好唔好，要睇這三項！

　　早前係一個Marketing講座中，談及到「如何評價公司嘅Social Media Marketing做得好唔好」，之後亦有好多朋友作相關嘅提問，今日可以係度講多少少。

 

　　Social Media Marketing近年行得好快，由於Social Media Marketing嘅工作較彈性，投資亦便宜，公司容易自行調節資源同宣傳金額，所以好多公司早年已經開始投放多咗資源去不同Social Media平台之上，如Facebook、Instagram、微信等。亦因為而家嘅平台能夠提供有好多不同功能，所以有啲Social平台已經有能力取代其他Digital嘅工具，變成一個多功能嘅工具。 

 

　　要評價一個Social Media Campaign或者Social Media專頁時，多數只會集中睇呢個Facebook專頁有幾多Fans、有幾多人Like咗佢哋嘅文章，用「表面數字」去衡量Campaign嘅成敗，其次就係度量今次Campaign幫公司賺咗幾多錢等等。如果我哋要深入地評價Social Media 的話，應該從三個角度去分析： Digital Brand Image（數碼品牌形象），Engagement（互動性），Traffic（人流／錢流）。

 

 

Digital Brand Image（數碼品牌形象）

 

　　係絕大部分情況之下，公司本身嘅品牌形象應該上上下下完全一致，於不同Campaign或者Promotion、搵不同嘅代言人、不同嘅場合都要Align同一個Image。有別於一兩個月先出一次嘅Campaign／Promotion，相比之下Social Media同顧客互動嘅頻率高出好多倍，所以公司嘅Social Media平台亦就要擔當住「強化品牌」嘅角色，每日都要為品牌「加油」。另一方面，有公司會用Social Media作其他用途，如Customer Services Hotline，Information Center等。而公司亦要為呢啲特別嘅情況、特別嘅角色，建立一個有別於平時嘅品牌形象，令其更易發揮功效。 

 

Engagement（互動性）

 

　　通常幾多個Like／Share／Comment 就正正反影公司同顧客嘅互動性強與弱。不過好多時都唔係多Like就大晒，多Like 多Fans只係代表住 Engagement嘅「量」，並未能分析到「質」做得好唔好呢個問題。最簡單嘅方法，有公司會逐個Social Comment／Share 按入去分析。係實用，不過都幾浪費時間，而且只能睇倒全個局面嘅一部份。所以有時我哋都會好多網上嘅分析工具，除咗研究一啲主要嘅Social平台之外，亦會研究埋引延到其他Digital平台嘅「質」與「量」。

 

Traffic（人流／錢流）

 

　　對好多品牌公司嚟講，而家嘅Social Media唔再只係單一用途，要做到以上兩點已經只係基本要求，所以我哋會講最重要係Social Media能唔能夠發揮「分流」嘅功能，根據公司每個Marketing Campaign嘅目的，將不同人流帶去指定地方，可以係帶去指定網頁，可以係帶落實體店舖買野或者參加活動，亦可以係帶人流到E-shop購物。另外，外國有公司亦會將Social Media同自己嘅CRM System 結合，利用Social嘅Engagement增強其CRM同客戶嘅黏性，令Fans變得更有意思。

 

　　其實有好多公司都係抱住「人做我做」嘅心態去做Social Media。「 有組織、冇目的」咁去用呢啲Marketing工具，然後盲目地去「追Like追Fans數」，浪費資源之餘，亦只會令呢啲工具變成一個無靈魂嘅軀殼。

 

 

 《經濟通》所刊的署名及／或不署名文章，相關內容屬作者個人意見，並不代表《經濟通》立場，《經濟通》所扮演的角色是提供一個自由言論平台。

• 

【你點睇？】民主派初選案，45名罪成被告判囚4年2個月至10年不等，你認為判刑是否具阻嚇作用？► 立即投票