2023-04-28
冼靖峰擺脫情歌框架挑戰快歌 望為大家減壓
【晴報專訊】參加TVB節目《聲夢傳奇》入行的冼靖峰(Archie),轉眼間已入行兩年多,繼去年初推出個人單曲《一個人的幸運》後,上月尾再推出新歌《BUG FIX》。第二首單曲相隔年多才面世,除了粉絲引頸以待外,Archie亦非常期待,最希望能為粉絲帶來驚喜。
24歲的冼靖峰透露新歌《BUG FIX》去年已創作好,但今年才推出,全因與監製不停修改及調整至滿意為止,「因為首歌係咁改,最終做咗八個版本。加上呢首歌本身係畀女仔唱,試過變男key,做咗好多調整,最後我係用假音嚟唱,當中有好多真假音轉換,真係用咗好多時間研究唱腔。」平時主打情歌的Archie,坦言一直期待唱快歌,「其實我平時聽嘅歌,同唱嘅歌曲類型好唔同,我聽開啲upbeat(節奏輕快)、玩味重啲嘅歌。以前讀中學、大學時壓力大,我就聽呢類歌去放鬆心情,所以一直都好想出番首歌,可以幫人紓緩壓力,同埋好想畀觀眾聽到我唔同嘅聲線。」
Archie挑戰快歌《BUG FIX》,連造型都大不同。(IG圖片)
Archie出道兩年多,除了做歌手外,亦涉獵當演員,去年更北上拍攝內地劇《戀戀紅塵》,他直言獲益良多。Archie透露未會繼續以歌手和演員雙綫發展,「我係歌唱比賽出身,本來鍾意唱歌多啲,但慢慢發現唱歌同演戲可以相輔相成,拍劇時學到點樣代入情感同鏡頭嘅捕捉,對唱歌好有幫助,嚟緊都會再拍劇。」
Archie去年與內地演員古力娜扎和徐開騁拍攝劇集《戀戀紅塵》。(資料圖片)
拒跟《聲夢傳奇》學員比較
《聲夢傳奇》第一季15位學員參賽,大家因為比賽而成為朋友,簽約無綫後都各有發展。Archie稱不會跟別人比較︰「依家愈嚟愈多實力唱將,每個人條路都唔同,最緊要都係focus番喺自己度,只會同自己比較。」機會都是給有準備的人,Archie認為︰「機會呢樣嘢好難得,亦可能隨時嚟到,所以無論喺身形、外貌,以至唱功、健康方面,我都會好好裝備,隨時保持最佳狀態。」
Archie與《聲夢傳奇》成員因比賽而成為好友。(資料圖片)
Archie曾擔任吳若希內地演唱會嘉賓。(資料圖片)
轉載自: 晴報
【你點睇】本港無人駕駛自動車最快本月底試運,你會否乘坐?► 立即投票