2023-11-24
TVB新聞女王|佘詩曼與李施嬅內鬥?鬥戲似經典劇《宮心計》! 預告角色有機會黑化收場?
無綫台慶劇《新聞女王》自劇集在翡翠台首播後,除了飾演主角文慧心Man姐的佘詩曼好評不斷,飾演不畏強權「中立派」張家妍的李施嬅同樣贏盡正評,獲封「矚目女二」,「民望」與Man姐叮噹馬頭。網民除了力推阿佘、施嬅榮膺「雙視后」外,內地更掀起「心妍CP熱」,網民笑指每日煲劇最期待畫面,就是家妍與Man姐鬥氣及鬥戲,並謂「心妍」的對壘畫面,令人想起無綫經典劇《宮心計》楊怡VS阿佘的名場面!
昨晚(22日)播出一集,除了繼續有Man姐VS梁景仁(佐治,馬國明飾),及Cathy(高海寧 飾)VS 曉薇(何依婷 飾)連場惡鬥外,身為「局外人」的家妍亦牽涉其中,更加與芷瑤(陳曉華 飾)一樣慘成Man姐棋子。事緣Man姐、佐治及家妍在「仁心候選主席」事件中各出奇謀,她與佐治爭做King Maker,家妍則著力揭發仁心捐款去向!原本Man姐因葉晨(陳敏之 飾)捲入醜聞處於劣勢,但最終不但以激將法說服葉晨將家暴事件擺上枱「博同情」,更欺騙家妍交出仁心財政報告,用以威脅葉晨對手細劉生(何啟南 飾),反敗為勝;另一邊廂,原以為報告終可曝光的家妍則大感氣結…三人Ending在Control Room各有各盤算一幕,阿佘、施嬅的演出均獲激讚,尤其後者得悉被 Man姐利用後的激氣及茫然眼神,更是精彩,網民紛紛認為:「一個型、一個有氣場」、「施嬅眼神有戲,同視后阿佘一樣」、「各有各精彩」、「施嬅演得好自然,阿佘氣場好足,最鍾意佢哋做 對手戲」、「新聞部《金枝慾孽》」。
雖然家妍被譽為SNK News清泉,並憑藉剛烈正直性格及言論贏盡網民心,但「聖人都有錯」,昨晚她的「黑暗面」曝光,因為過分執著追求真相,竟然利用男友俊樂(高鈞賢 飾)在「仁心」的法律顧問身分,要求男友供出黑材料,甚至一度動歪念欲偷看男友電腦;同時為達到目的而漠視男友面對的危機及困境。對於家妍所作所為,不少網民詫異之餘,亦期待她像《金枝慾孽》的安茜般黑化收場。
繼《公主嫁到》後再與阿佘合作,施嬅激讚阿佘EQ高:「劇本好多時係之前一、兩日先有,阿佘係好專業但又識得放鬆嘅演員,會覺得(大家)係兩個極端,我做完嘢要返屋企休息同背劇本、比較緊張啲,但佢就會話: 『我哋今晚完咗一齊出去食飯』。其實好多年前見佢做人已經好大得著,就算通告好密都EQ好高、好有禮貌對人,唔會投訴同黑面。」
談到演記者有觀眾讚入型入格,施嬅笑言自己「有排未夠班」:「好難同真記者比,做咗呢個角色先知做主播、記者好難,臨場反應要快,做Live on air唔可以NG,難過做演員好多!我對跑新聞嘅人佩服得五體投地,睇住啲稿讀新聞都覺得繞口,真係拍馬都追唔上,自問做真記者未夠班。加上讀稿就算有字幕機都睇唔切,所以一早背晒啲新聞稿,都算係一個大挑戰。今次仲要喺好壓縮嘅時間好趕咁拍,又要拍好多場,冇乜時間做準備功夫。辛苦得嚟成個團隊好開心,拍攝中途會一齊食飯、唱歌,令我領悟到自己要轉變吓工作嘅心態。」她又預告角色之後有重大轉變:「佢喺一集之內會有好大嘅轉變,因為呢齣劇嘅劇本唔會交代好多嘢,所以可能幾場戲觀眾就會見到我無端端變化好大,呢個位係難拿捏嘅…我記得化妝同梳頭工作人員睇完(角色變化)都好譁然我無端端變咗咁,個個人都好驚訝!」
轉載自: 晴報
【與拍賣官看藝術】常玉作品屢創天價,背後其實藏著跌宕起伏的人生► 即睇