2023-05-12
親子遊拍節目 Patrick Sir夫妻鬥做喊包
【晴報專訊】無綫節目《同屋企人去旅行》昨晚起一連兩集,由Patrick Sir(林溥來)、太太關宛珊及兩歲囝囝Preemo一家三口,帶隊到廣州體驗親子遊。這個奶爸與太太互送驚喜,他更在鏡頭前流下男兒淚,盡見鐵漢柔情。
Patrick Sir與關宛珊互出冧招,最終齊齊哭成淚人。
昨晚播出的《同屋企人去旅行》,Patrick Sir帶領妻兒到廣州吃喝玩樂,介紹親子好去處,分別到室內滑雪場、荔灣湖公園等,他們更坐在艇上品嘗荔灣艇仔粥,夠晒正宗。三口子之後到靜山湖的生態園區,喜愛動物的Preemo十分興奮,更親自餵羊駝。開心過後,關宛珊在咖啡店與老公閒聊時,忽然感觸哽咽道︰「Preemo每日都喺度變緊,每日都有新嘅嘢畀到我哋,好唔捨得佢咁快咁大個。」Patrick Sir聽後亦感動得眼濕濕。
>Preemo被羊駝咬到手指仔,都無扭計喊。
大膽囝囝玻璃橋上奔跑
至於今晚一集,林氏一家到盈香生態園挑戰全景玻璃橋,兩歲的Preemo十分大膽,不單直接趴在玻璃上睇風景,更興奮地在玻璃橋上狂奔。一家三口坐低醫肚期間,關宛珊趁機投訴老公從未正式送過花,「其實送過一次畀我嘅,嗰次做舞台劇,以為得我有啦,但原來每人都有一枝,以為自己嗰枝特別啲,點知全部人一樣。」Patrick Sir忽然從褲袋變出一枝鮮花補鑊。節目尾聲,Patrick Sir驚喜送上DIY禮物,豈料關宛珊一早預備更大的驚喜,兩公婆感動得相擁而泣。
Preemo學爸爸Patrick Sir趴在玻璃橋上看風景,毫無懼色。
轉載自: 晴報
《說說心理話》運動員強大心理質素如何煉成?張小倫分享最挫敗經歷,及後怎樣重整旗鼓?► 即睇