2023-05-04
夫妻拍節目呻無力「造人」 袁偉豪恨當爸︰鍾意小朋友
【晴報專訊】久未露面的袁偉豪(Ben)與張寶兒昨日夫妻檔現身,與林溥來(Patrick Sir)一家及關禮傑等出席節目《同屋企人去旅行》記者會。Ben與寶兒相隔五年再出trip拍節目,可惜行程太忙無精神「造人」,不過Ben表明準備好隨時生B,希望快快榮升爸爸。
Ben與寶兒期望早日榮升父母。
無綫旅遊節目《同屋企人去旅行》今晚起逢周四、五晚播出,節目中,袁偉豪夫妻到潮汕歎咖啡,而林溥來則與太太關宛珊及兒子林若嘉到廣州享受家庭樂。現場所見,Patrick Sir抱實囝囝林若嘉,林若嘉左搖右擺,又大講BB話,相當可愛;Ben一見林若嘉也不時逗他玩,展示父愛一面。
Patrick Sir囝囝林若嘉手舞足蹈賣萌,成為全場寵兒。
靠自己拒人工受孕
Ben與寶兒17年拍旅遊節目《打工捱世界II》結緣,二人今次以夫妻身份再拍旅遊節目,Ben感性稱︰「節目會講番我哋點樣相識,我哋都幾年無一齊做一件事,今次都幾感觸!」寶兒更爆料︰「節目入面仲玩咗一個感性嘅遊戲,(整喊老公?)咁要睇節目!攝製隊話我哋好少喺鏡頭前講婚姻。」五年前合作拍節目後,Ben成功娶得美人歸,問及今次潮汕行可有乘機「造人」?他笑言︰「嗰幾日旅程都幾忙,真係無精神,quality都未必咁好,所以嗰幾日無諗呢件事。」
Ben與寶兒表示已準備好隨時做父母,Ben說:「我諗我哋都ready有新嘗試,自己不嬲鍾意小朋友,好似Patrick Sir囝囝幾得意,我哋由喺屋企養下小動物開始,一步一步,我都期待有呢一日。(新嘗試係人工受孕?)唔係,喺我哋關係入面多一個新身份,拍拖到依家都係二人世界,總之有新嘗試。」寶兒附和道︰「順其自然啦!我唔使開工都會保持好體魄。」此外,Ben直認已開工作室,日後全力集中發展音樂事業,本月將推出第三首新歌,他自言會減少拍劇︰「過去十幾年都係拍劇為主,音樂都係我年輕時想做嘅嘢。」
寶兒與老公寓工作於娛樂,旅程中一日食足八餐。(資料圖片)
轉載自: 晴報
【你點睇】本港無人駕駛自動車最快本月底試運,你會否乘坐?► 立即投票