2022-12-21
193肥仔感觸落淚 ERROR搲撈成功獲古巨基邀合作
【晴報專訊】「宇宙天團」ERROR前晚舉行《明星生活ERROR LIVE SHOW 2022》演唱會尾場,四子表示由當初無人欣賞,到今次開騷一票難求,令他們感觸不已。尾場邀得古巨基任壓軸嘉賓,基仔主動表示構思新計劃跟四子合作,四子笑言一心打算「搲撈」,結果得償所願。
(左起)193、阿Dee、肥仔及保錡落力演出之餘,又剖白做明星的辛酸。
ERROR成員梁業(肥仔)、郭嘉駿(193)、何啟華(阿Dee)及吳保錡(保錡)前晚舉行演唱會尾場,吸引MIRROR六位成員、鄧麗欣及王丹妮等圈中人捧場。阿Dee在個人環節中,自言去年在節目《ERROR自肥企画》中玩遊戲,贏了一噸啤酒放在家,令他終於有做明星的感覺。
193手持「老婆」當年為他製作的第一張手幅,感激他們不離不棄。
保錡亦有感而發:「入行幾年,其實我最想做音樂,好開心唱到自己嘅作品畀大家聽。我好想攞獎,不過人貴自知,未來十年應該攞唔到。」他感謝音樂監製舒文為他製作其人生代表作《猥瑣》。而肥仔唱《Am I Crazy?》後感觸落淚,193見狀錫了肥仔一啖安慰。及後,193拿起初出道時由「老婆(粉絲)」為他製作的首張手幅「接近完美193」,邊喊邊說:「記得初出道,每次你哋大叫193,我唔覺得係笑話,係童話。」
阿Dee自爆生「壓力瘡」
古巨基(中)答應與ERROR合作音樂新計劃。
阿Dee在台上剝衫,令粉絲尖叫。
個唱尾聲,古巨基以壓軸嘉賓身份與四子合唱《勁歌金曲》,基仔表示在後台時突發奇想:「《勁歌金曲》係上一代歷史,你哋有無興趣為呢一代金曲做總結?」他鼓勵四子嘗試,更表示會構思新計劃跟他們合作,令他們開心說:「諗住搲撈,點知派撈。」四子在騷後受訪,193在開騷前確診,加上突然失聲,要打類固醇針開聲,他說:「因為見到台下有人嗌,腎上腺上升,連講嘢都大聲好多,就失晒聲,不過聽日要開工,希望開工講到嘢。」阿Dee則自爆因開騷壓力太大而雙手生瘡,「我真係要唞下,醫生話係一種神經病毒,精神壓力、身體免疫力唔平衡所致。」談到有機會與基仔合作?四子即說:「超開心,希望可以成真!」
轉載自: 晴報
《說說心理話》【驚恐症來襲】無預警發作...患者親身講述得病經歷及康復過程!必要時自己做一件事可幫到手!► 即睇