2022-06-07
遭盤問感情事 吳卓羲提菊梓喬無從招架
【晴報專訊】吳卓羲(Ron)、黃德斌及張建聲在電影《逃獄兄弟3》再度合作,三個麻甩佬戲裏「打」成一片,戲外同樣老友鬼鬼。Ron在訪問中多次被追問跟緋聞女友菊梓喬(Hana)的戀情,低調護愛苗的他不欲多談,其餘兩人代解圍卻講多錯多,德斌更「神助攻」問到Ron口啞啞,場面惹笑。
德斌(左)形容與譚耀文在廚房肉搏時,兩人都打到全身「油淋淋」。
由吳卓羲、譚耀文、張建聲及黃德斌等主演的《逃獄兄弟3》,新加入陳豪飾演獄長馬文豪,眾人鬥智鬥力破解一場逃獄大陰謀。在上集已淪為階下囚的德斌,今次《逃獄3》會與譚耀文飾演的獄中大佬「滾筒哥」在廚房埋身肉搏;由於譚耀文在上集拍攝時不慎撞傷肋骨,德斌坦言與對方打鬥時不敢太用力︰「佢吊威也跌落嚟傷咗肋骨,但我哋拍完第二集緊接拍第三集,其實佢仲未完全康復…但佢可以完成整個拍攝,真係好犀利。」
新加入當獄長的陳豪(右),日前與德斌及Ron等出席電影首映。
黃德斌助攻追問緋聞
由於《逃獄3》是全男班拍攝,張建聲直言省回不少化粧時間,而且拍攝順利兼不用超時,不用阻礙同事收工做私人事。張建聲似乎意有所指,而近日Ron與菊梓喬的緋聞傳得鬧哄哄,問Ron可有因拍攝而影響拍拖?他笑笑口指︰「自己分配時間囉!(感情明朗化?)我無講過呀,分配到時間畀家人,我會同媽咪食飯。」
被追問戀情的Ron一臉無奈,德斌和張建聲則在旁「食花生」。
Hana(資料圖片)
不斷被追問感情事的Ron,否認Hana曾現身探班,又要求德斌解圍,德斌即詐傻扮懵說︰「我唔知邊個係佢女朋友。」之後他將個波拋回給Ron,對Ron說︰「我等緊你confirm(確認)邊個係你女朋友,但你又唔confirm,你有無搞錯!」Ron聞言大感愕然,張建聲則大笑謂︰「好高招呀,我第一次覺得你(德斌)咁勁,我哋好似被人盤問緊。」德斌妙答︰「只係爭一盞燈。」
張建聲代解圍不成功
早前有傳Ron與Hana在深井同居,Ron否認道︰「查清楚先啦,報道話我住嗰度,但我都唔係住嗰度,亦無同居。(接唔接受同居?)無諗。(試過未?)未試過。」問Ron可有介紹女方給德斌和張建聲認識?張建聲代答︰「我哋唔會過問,我哋多數都係講車,如果車係老婆,我哋成日交換『老婆』。(佢架車識唱歌?)識,架車有音響嘛!(係咪播Hana啲歌?)救你(Ron)唔到喇,我已經盡量解圍。」
另外,Ron日前與好兄弟黃宗澤為無綫音樂節目《聲生不息》拍攝片段,似乎有意重返樂壇?他笑言︰「有得唱就唱,要等鄧智偉(音樂監製)返香港先算。」巧合地,Hana同樣找鄧智偉任唱片監製,Ron直指這是公司安排,與他無關;至於是否由鄧智偉牽紅綫,介紹Hana與他認識?Ron不置可否道︰「喺TVB見到面實識。」
轉載自: 晴報
《說說心理話》【驚恐症來襲】無預警發作...患者親身講述得病經歷及康復過程!必要時自己做一件事可幫到手!► 即睇