食Pizza獲李司棋神回覆 黃偉文：幻想同佢一齊食好野

　　【晴報專訊】現年71歲的李司棋平日愛玩IG，不時分享生活及煮食片段。日前司棋姐在IG大曬歎pizza的照片，填詞人黃偉文（Wyman）前晚亦於IG限時動態分享pizza照，留言︰「前兩日見到司棋姐食pizza個滿足樣，即刻就忍唔住去食。」誰知司棋姐本尊竟回覆︰「好似好好食咁。」Wyman即開心說︰「哈哈，司棋姐你睇到，我害羞了。」

李司棋是IG達人，經常分享品嘗美食照。（資料圖片）

黃偉文得到偶像留言回覆超開心。（資料圖片）

　　及後，Wyman大玩食字，將自己的作品改為《「棋」洛「李」維「司」回信》，笑言歌詞是他寫給自己的神預言：「我唔識司棋姐本人㗎，《山水有相逢》、《無雙譜》…我梗係全部睇晒啦，近年呢，當然係日日睇佢IG幻想自己同佢一齊食好嘢啦！」司棋姐再留言回覆：「咁個pizza係咪真係好好食啫？」氹得Wyman心花怒放。

轉載自: 晴報

【你點睇】港府本年度已錄逾2千億元赤字，有議員指或難符基本法力求收支平衡之規定。你認為當局應如何解決財政問題？► 立即投票