2021-08-05
「亞視救星」薛影儀開Live唱歌狂吸8千人 主持預告︰佢月尾跳舞
【晴報專訊】曾參選今屆亞姐的37歲薛影儀(阿儀),憑頹樣加肥腩成功紅遍網絡,雖然未能入圍卻極速簽約成新「亞視一姐」。前晚阿儀開FB live初試啼聲,被網民瘋狂洗版,身兼主持以及為阿儀彈琴伴奏的李昊昕(Bryan)昨午回應《晴報》時稱︰「亞視安排咗舞蹈老師教阿儀跳舞!」一眾「影子(阿儀粉絲)」要買定花生了。
亞視直播節目《A-LIVE》開播近五個月,前晚找來薛影儀任嘉賓表演唱歌,最高峰時吸引超過8,000人同時欣賞阿儀「天籟」之音,打破該台FB專頁最多觀眾收看紀錄。直播中,身穿白色上衣加吊帶連身裙的阿儀,在李昊昕陪同下獻唱多首金曲,包括《對面的女孩看過來》、《終身美麗》、《給自己的信》及《兩種人》等。雖然阿儀歌喉麻麻,兼經常甩嘴,但其零笑容表情卻充滿喜感,觀眾睇得過癮,高呼亞視今次靠阿儀翻身;有人更指她是男團MIRROR的最強對手,累積多達數萬個留言。
阿儀自爆唔識MIRROR
阿儀投入獻唱,成功吸引8千位觀眾捧場。(FB圖片)
直播中,阿儀披露參選亞姐全因大會放寬年齡限制,同時勁有自信︰「好多朋友都覺得好突然,亦知道好多網友鍾意我,好受歡迎,啲人話我有冠軍相!」阿儀直認與亞視已簽約兩年,期待有不同發展,最想嘗試跳舞、拍劇、拍廣告及唱歌。問阿儀的偶像是誰?她說︰「無話咩鍾意偶像。(有報道話你鍾意方力申?)我唔係鍾意方力申,只係02年買過CD搵佢簽名,隻碟都仲保存得幾好呀!我覺得古巨基啲歌好聽。(可有留意MIRROR?)MIRROR無留意!」網民紛紛在留言區tag古巨基,但基仔最終沒有收看直播。
Bryan挺拍檔跟到拍子
阿儀有音樂人Bryan「傍住」依然經常甩嘴,節奏感有待改進。(FB截圖)
節目主持Bryan昨日向《晴報》透露,今次開live主要為剛加盟亞視的阿儀增加曝光率︰「真係無試過有咁多人收睇同留言,好開心同surprise。」阿儀在節目中賣力獻唱,其聲綫簡直「驚」為天人,不少網民瘋狂留言,Bryan亦有看到留言,他說︰「其實我最驚係有好多負評,網民有時講嘢都好mean(刻薄),但好彩好多都好正面,亦好多留言支持佢,我feel到係真心支持阿儀嘅。」雖然阿儀對歌聲自信滿滿,但有網民勁彈她五音不全兼瘋狂走音,Bryan為阿儀護航,指對方工作太忙綵排時間不足才失準,他又強調阿儀演繹《兩種人》時跟到拍子,只是唱法不太好聽。
上月阿儀穿上「娘爆」三點式面試亞姐,以騎呢風格走紅。
提到不少網民讚Bryan聽住阿儀唱歌,仍能冷靜地邊彈奏邊伴唱,忍笑功夫一流,他回應︰「我無忍笑,唯一一次忍唔住笑係佢以為《唯獨你是不可取替》係新歌,如果我笑嘅話,會畀人感覺唔尊業同唔尊重佢。」他透露阿儀已獲亞視安排舞蹈老師習舞,最快在本月尾或下月初跳舞給觀眾欣賞。
轉載自: 晴報
【你點睇】工聯會調查指外勞輸入政策影響漸現,多個行業失業比例較高,促暫停輸入外勞,你是否認同?► 立即投票