2022-03-18Photo: 由美味廚提供
抗疫食餐好 | 米芝蓮推介火鍋店推懶人即食包!水晶粉皮豉油雞、咖喱牛筋坑腩、梅菜扣肉,繁複餸菜隨時翻熱食
第五波見穩但未平,雖然政府開始構思放寛社交距離措施,但留家抗疫、開餐的日子我相信仍持續一段時間。一日煮足三餐本身已很累人,每天最頭痛的問題(之一)是「今晚食乜好」,又或,日復日都吃得「簡簡單單」,味蕾都開始疲勞了。
疫情期間大小餐廳難做生意,紛紛轉膊做外賣,部分更推出翻熱即食的懶人即食包,啱晒我等抗疫疲勞之人,隨時隨地都吃到餐廳美味。曾獲米芝蓮必比登推介的火鍋中菜餐廳「美味廚」,最近亦加入此行列,推出「歸家抗疫」真空美食包。有10款不同菜式,選擇都算多,大部分都屬製作繁複費時、在家難自己做的菜式,好像玫瑰普洱茶燻雞、清湯蘿蔔燉鹹牛脷、豉蜜欖角西班牙豬肋條、滷水乳鴿等,全都是好送飯餸菜!
菜式即柯打即做,製作後會立刻以真空包裝;速食包可放雪櫃(攝氏度)數天,若放冰箱(攝氏零下18度)可放一兩星期;食用前只需將速食包原包放進滾水中煮20分鐘食得,超級方便!
今晚吃甚麼好?即睇10款好介紹!
玫瑰普洱茶燻雞 $488
著名手工菜,屋企一定做唔到!大廚以普洱茶葉和玫瑰乾花混和,用來煙燻黃油雞;一打開包裝即香噴噴!熱肉嫩滑,每口都充滿煙燻香。
美味廚水晶粉皮豉油雞 $368
是餐廳的招牌菜,豉油雞肥瘦適中,豉油調得鹹中帶甜,味道恰好,而且盡滲進雞肉內;主角還有水晶粉皮,滑嘟嘟又煙韌,盡吸豉油與雞汁精華。
咖喱牛筋坑腩 $188
除了咖喱雞,仲有咖喱牛筋坑腩!咖喱汁加入薯仔、紅蘿蔔和洋葱煮,味道有層次,牛筋坑腩煮得腍滑惹味,帶點點香辣,送飯一流!
滷水乳鴿 $138
在家自製滷水不容易,而且要夠陳夠香,更考功夫,都係食懶人包吧!乳鴿以秘製足料滷水長時間浸製,鹹甜香味道好balanced,作為小食或餸菜都啱!
豉蜜欖角西班豬肋條 $188
西班牙豬肋條肉味特別香,肉質亦腍滑;配蜜糖和欖角炆煮,鹹鹹甜甜充滿蜜香,小朋友喜愛之餘,送酒亦啱!
下一頁:更多即吃美味菜式—紅酒燴牛尾、梅菜扣肉、椰香咖喱雞
《經濟通》所刊的署名及/或不署名文章,相關內容屬作者個人意見,並不代表《經濟通》立場,《經濟通》所扮演的角色是提供一個自由言論平台。
夏日中暑高風險!即睇中暑迷思+預防措施!► 立即了解
- 1
- 2