巴士迷成功爭取　未有辱警罪先有「辱車長罪」？

上年2月發生嘅大埔九巴翻側車禍，相信唔少讀者都同Jenny一樣歷歷在目。印象中呢宗事故係香港傷亡第二慘重嘅車禍，一共造成19死65傷。政府嗰時仲特登成立咗「香港專營巴士服務獨立檢討委員會」，去審視全港巴士安全同埋行車情況。委員會上星期一（31日）就向特首林鄭交咗報告，今日政府就將份報告公開，等Jenny同大家一齊嚟睇下委員會就今次檢討有咩建議啦！

 巴士迷成功爭取？

　　如果大家記得嘅話，當初車禍目擊者就講過，當時涉事車長因不滿被乘客指責而刻意掟幾個彎，又高速行駛，懷疑係導致車禍發生嘅主因。之後社會就開始正視車長嘅心理質素，同埋乘客無理取鬧嘅問題，而喺巴士迷討論區亦都一早開始討論緊應唔應該整返個「辱車長罪」！

學學新加坡　車長唔可以隨便鬧啊！

　　唔好以為講笑，今日Jenny就睇到委員會份報告話，「為了使『不能接受的辱罵車長行為』有更明確的識別準則，我們建議考慮訂立具體法例條文，把對正在執行公共服務職務的車長發出『帶恐嚇、辱罵或侮辱成分的言行』定為一項罪行」。委員會亦都建議，教育公眾明白辱罵正在執行職務的車長既不能接受，亦都構成刑事罪。而政府就話有待研究，會諮詢相關政府決策局同埋部門喎！建制派成日話要爭取辱警罪，而家就可能有「辱車長罪」先喇！

 《經濟通》所刊的署名及／或不署名文章，相關內容屬作者個人意見，並不代表《經濟通》立場，《經濟通》所扮演的角色是提供一個自由言論平台。

想要獨家投資理財Tips？即Like etnet 全新Facebook專頁► 立即讚好