捱足幾十年退休，一定要趁行得走得食得睇得去旅行。不過，到咁年紀，旅行當然不能貪便宜，搵啲「999食到嘔」，又或「八日行十個國家」一類自我虐待團。小弟如今帶著三百位「慈善同學」，個個月去旅行，愈玩愈開心，因預先定下七大快樂旅行先決條件：

　

　　（一）不飛超過5小時—飛機，就似「空中監倉」，困在椅上動彈不得，頗為難受。這種肉體折磨，只限5小時內。打開地圖一看，已有全亞洲可到，夠了夠了。否則，來回Jetlag五日，浪費時間傷身傷神。

 

三小時航程，已置身韓國古代建築，世界文化遺產

 

　　（二）一定要有美食—旅行中最高潮必定為晚餐，一定不食趕頭趕命廉價旅行團餐。開幾支紅酒，老友談天說地加美食，歎兩至三小時，建立感情又享受人生。

 

香港沒有的肥美瀾滄江魚，來自湄公河，頭部超級肥美

　

　　（三）做點傻事—人在外，可以放鬆調皮一點。做些香港不會做的事，例如走在寂靜街道上放聲高唱勁舞。又或，試用湯匙「隊」茅台。

 

做點儍事，用湯匙「隊」茅台

　

　　（四）行程只作參考—切忌硬要死跟預先寫下的行程，看天氣，看心情，看氣氛而變。最重要開心舒適，千祈不要為求「著數」硬要去足所有景點。我們這年紀，還有甚麼沒看過？

 

放鬆，不必理會既定行

 

　　（五）參觀一般旅行團不能到的地方—大家生活幾十年，加埋必有四通八達關係網。旅行，可先靠人脈尋找一些別人去不到的地方。例如，認識香港潮州商會重量級人物，就試試安排到汕頭看李嘉誠的BB—廣東以色列理工學院吧。

 

不招待旅行團的汕頭大學，建築設計極具創意

 

　　（六）嚴禁衝突話題—旅行為要開心，不是來辯論或爭拗。所以，應約法三章，不談論政治、不宣揚宗教、不研究搵錢（政治、宗教、金錢乃自古至今人與人、國與國開戰原因），以免壞心情、壞氣氛，或變了市儈交流會。

 

堅守不談衝突性話題，大家享受和諧快樂

 

　　（七）控制團友質素—一般參加旅行團者，皆滿是顧客心態，沿途不停挑挑剔剔，又或死計爛計抵唔抵。最壞是粗言穢語上車搶位食飯爭先，這類禮貌及教養皆「低端」的人，一定要排除，讓佢哋自組「佔便宜團」可也。

 

嚴選團員質素，性格正面富善心

 

　　以上七點做到的話，一個快樂退休旅行團的重要元素已有齊。我的旅行團，加多一項，就是每次出發，都為一間扶助老弱傷殘的慈善機構作籌款，這樣，人人就懷著施比受更有福的心態外遊，怎會不愉快充實呢？

 

 

 《經濟通》所刊的署名及／或不署名文章，相關內容屬作者個人意見，並不代表《經濟通》立場，《經濟通》所扮演的角色是提供一個自由言論平台。

• 

《說說心理話》身體唔舒服查唔到原因？周身痠痛疲累？可能係患有心身症！點解原生家庭會長時間影響一個人？點樣脫離循環？► 即睇