睇到一些討論，有家長認為既然要比零用錢不如同時要小朋友做家務。一來覺得可以鼓勵佢哋做嘢，學到嘢同埋明白沒有不勞而獲，甚至有人做法是孩子平日做家務無錢，假期做嘅時候才有補水。

 

　　我們應該將做家務同埋零用錢分開，否則可能會影響到小朋友嘅內在價值。第一，把在家務當作賺錢，不是分擔，可能降低作為家庭一分子的認同。其次本來想做因為今次係變得為左錢而去做，呢個係唔好嘅！這就是我們說影響內在價值（intrinsive value）的其中例子。

 

　　家務同埋零用錢要分開本來是沒有絕對錯或對，但要視乎以下情況：

 

　　（一） 睇父母處理嘅方法和有沒有良好嘅溝通；

 

　　（二） 如果將家務變得太過複雜，要做家務才有零用錢，可能令小朋友覺得大人以金錢操控緊他們，對金錢嘅概念同埋價值觀可能會扭曲；

 

　　（三） 如果小朋友肯表達意見有溝通都仲好啲，否則嘅話將家務同零用錢掛鉤其實弊多於利，長遠會影響親子關係。

 

零用錢不涉其他條件

 

　　我覺得要小朋友幫做家務，除了金錢利誘，其實可以有其他方法， 例如讚佢「乖啦」，或者係偶然買嘢奬勵下佢哋。我們要教小朋友做家務應該給同零用錢分開，告訴他們做家務是個責任，應該貢獻家庭。

 

　　所以我認為教兒童理財嘅時候應該簡單化，唔好將給錢零用錢同其他事情掛鉤，例如讀書、行為，不要隨便說: 你不乖、讀書低分就要減零用錢，我們應該指出孩子做錯了，應怎樣改正，不是以金錢威脅，否則會令孩子有錯誤的金錢觀念。

 

　　以零用錢換取做家務，沒有絕對錯或對，只是不要弄得太複雜，徒增煩惱。給零用錢本來就是個教導兒童理財方法的最佳機會，只須講理財，不涉其他條件，越簡單和直接越好！

 

 

 《經濟通》所刊的署名及／或不署名文章，相關內容屬作者個人意見，並不代表《經濟通》立場，《經濟通》所扮演的角色是提供一個自由言論平台。

• 

【你點睇？】皇馬巴塞傳奇表演賽爆簽名會風波，26人買涉$20萬套票僅見部份球星15分鐘，你認為事件哪方須負較大責任？► 立即投票