2021-11-17Text: Ariel Chan
開會揀位學問!見客最忌「面對面」坐?咩位置能深得信任?多人會議邊個位最有優勢?職場上下必讀「會議座位學」
根據非正式統計,10個打工仔之中,10個都不喜歡開會,但是會議偏偏總是要開的……不知道大家平時怎樣選擇座位呢?專坐後面?專坐老闆的旁邊?其實揀位都有不少學問!舉例說,大家通常在一對一的會議都會面對面坐,但是這個坐法就不利獲取他人的信任……還有「主席位」的坐法都有講究,想知道邊一個位才是「最佳位置」?就要睇落去兼做定筆記!下次開會霸定個靚位!
Read More:【職場劫難】連全球首富Elon Musk都鬧:開會浪費生命!8個守則令會議更有效率
處境一︰一對一會議要怎樣坐?
在職場上,一對一的會議多的是,好像是見工、傾生意等等。畀3秒時間大家回想一下,遇上「one on one」的處境,你是否都會習慣跟對方面對面坐?原來這並不是最佳位置,「對坐」反而會令對方產生對立和競爭的錯覺……面試、sell客無非都是想取得對方的信任,所以最好「對角坐」,這個位置可以方便大家一起閱讀文件之餘,更可以自然地表示自己跟對方站在同一陣線,需要見客的你識坐喇!
座位的學問又點會咁簡單?還有一個細位——坐右邊!由於大多數人都是右撇子,左手面非他們的慣用手,坐在左手邊的話,對方就會有種被侵擾的感覺,坐在右方的角位就最「穩陣」!
處境二︰主持會議坐哪一個「主席位」?
如果你已經是公司的管理層,總有機會主持會議吧!這個時候,如果想凸顯自己是一個可靠的人,揀座位一樣可以花點心思!雖說職場都有不成文的規定,長枱盡頭的主席位一般都會讓給主持人,不過「主席位」一般頭尾各一個,坐哪一邊好呢?
答案就是︰遠離門口,選擇靠牆或是螢幕坐!事關靠會議室門口坐的話,很容易被出出入入的員工騷擾……試想想,講一講又停一停,氣場立即down晒,大大削弱了控場的霸氣和能力!
處境3︰多人會議坐近Boss就好?
如果跟大老闆同場,開會的時候坐得愈接近Boss愈好?大錯特錯!「中間位」才是你的最佳選擇!採取「中庸之道」有甚麼好處?就是可以不知不覺地將你打造成「中間人」的角色,既可以表現自己相當投入會議,又方便整合意見和凝聚同事。如果你是自信心欠奉的話,更要揀中間位坐,當左右兩邊都被同事包圍,內心自然會穩定一點,不會怯場!
同場加映︰長方形定圓桌好?
如果想參與會議的人都可以投入討論的過程,圓桌絕對是首選!因為圓桌的坐法不會有「階級」之分,營造出平起平坐的感覺,人人都有平等的發言機會,而且坐在圓桌總可以看清楚每位參與的人士,開會的氣氛都會和諧一點!
(圖片來源︰iStock)
資料來源︰lifehack
【你點睇】烏軍攻入俄國庫爾斯克州近兩周,並炸毀兩座重要橋樑,你認為俄烏戰爭會否急劇惡化?► 立即投票