【近疫後的瘋狂】怪現象多多，笑料一籮籮！

　　疫情本來漸緩，最近驚聞又添新症，益發令人反思疫症期間，人類的生活模式遭遇到歷史前所未有的挑戰，這衍生了不少後遺症，有時都幾搞笑。

 

怨偶表白

 

　　疫境之中，有些地方離婚多過結婚！

 

　　與香港接壤的深圳，在4月登記結婚的有420對、辦理離婚的有450對，首次離多於合。除了政策性離婚（為逃稅、獲得補助）外，還有因太多時間相處，發現對方太多問題，包括已出軌十年等。

 

　　在香港，疫症期間夫妻爭執也飆升，我認識一位因此而改變人生的男士，他說正考慮分居，原因是「呼吸困難」：

 

　　「我呼吸唔到自由嘅空氣，我已經忍咗佢好耐，最慘係，嗌完交又唔可以離家出走、去酒吧抖一抖！」

 

真相大白

 

　　美女接到男士的電話。

 

　　「你做乜唔聽我電話？」男士焦急地問。

 

　　「哦！我忙緊。」

 

　　「再忙都要覆嘛，你知唔知我幾心急，你有冇考慮過我感受呀？」

 

　　美女想：「梗係啲兵想問吓我疫情高峰後有冇事咧，但咁多兵，又認唔出係阿誰喎。」於是問：

 

　　「你戴住口罩講嘢，我聽唔清楚，你係邊位？」

 

　　「我係速遞員呀！」

　

激戰搶白

　

　　疫情雖緩，但女兒仍在放無薪假期。

 

　　「阿媽，點解你唔煮飯？」

 

　　「我啱啱放工，攰到死，你冇番工，點解唔煮飯？」

 

　　「我打機唔得閒。」

 

　　「你至少都清潔吓間屋吖。你唔擔心衛生嘅咩？」

 

　　「間屋係你嘅。」

 

　　「咁你唔好企喺呢度吖，地板係我嘅。」

 

　　「咁我唔通吊住呀？天花板都係你個噃。」

 

　　「係囉，咁你喺窗口跳出去啦！」

 

肥肥白白

 

　　城封了，不再飛來飛去，改而在家中踱來踱去。

 

　　不上班了，改在家中ZOOM來ZOOM去。

 

　　睡多了，在床上翻來翻去。

 

　　現在危機稍歇，但吃多了，肥起來，減不去！

 

　　當人的健康和信心漸漸回復之際，卻暴露了另一種脆弱，造就了另一種心態、生態的顛覆。

 

 

 《經濟通》所刊的署名及／或不署名文章，相關內容屬作者個人意見，並不代表《經濟通》立場，《經濟通》所扮演的角色是提供一個自由言論平台。

• 

【etnet 30周年】多重慶祝活動一浪接一浪，好禮連環賞！ ► 即睇詳情