2024-04-26
鄧兆尊帶女友阿三上《直播靈接觸》收電視城靈體!爆新馬師曾祥哥係紅娘?女友直呼「老爺」做老坑
鄧兆尊近日以嘉賓身分現身梁思浩主持的TVB Plus直播節目《直播靈接觸》,期間他的「阿三」女友陳妙慧(Nana)獲邀亮相鏡頭前,大談自己遇到鄧兆尊爸爸祥哥,才會跟鄧兆尊在一起,又指自己到電視城做「收」靈體的事。
梁思浩近日邀請鄧兆尊成為節目《直播靈接觸》的嘉賓,兩人再次「合體」,令不少網友都勾起「集體回憶」,就是兩人在電影《國產凌凌漆》中抱緊痛哭的一幕,印象難忘。今次在節目中,兩人沒有談從前,反而大談靈異經歷。鄧兆尊再次重提「阿三」女友Nana鬼上身的事,期間梁思浩直接邀請鏡頭外的Nana加入節見一齊討論,不過Nana開口就講錯說話,誤將「老爺」新馬師曾鄧永祥講成「老坑」,鄧兆尊即時更正他是「老人家」,隨後又指祥哥沒有頭髮,鄧兆尊再更正話:「係少頭髮唔係冇!」Nana表示當時不認識新馬師曾,但他的鬼魂在她來香港短短20日後,就叫他好好認識鄧兆尊,最終才促成兩人拍拖的關係,原來祥哥才是兩人之間的「紅娘」。「佢(新馬師曾)叫我對佢(鄧兆尊)好啲,因為我之前冇同佢一齊㗎!」梁思浩聽聞都覺得好神奇,於是問鄧兆尊說:「原來係你Daddy叫佢同你一齊㗎?」鄧兆尊表示:「聽講話係,呢啲咪就係冤親債主囉!」Nana最初對鄧兆尊印象麻麻:「佢都唔係我鍾意嘅款,跟住個老人家話『唔緊要啦,總之佢會對你好㗎喇!』個語氣好得意,咁咪試吓同佢(鄧兆尊)接觸吓囉!」之後機緣下認識到鄧兆尊後,才告知鄧兆尊曾有位老人找過她,後來得知對方是鄧兆尊爸爸。
而有趣的是梁思浩指鄧兆尊食飯時,鄧兆尊指Nana在電視城食鬼食飽,不需要食飯,Nana解釋:「唔係食,收!」而節目尾聲,梁思浩邀請鄧兆尊和Nana下次再上節目,他又指覺得兆尊女朋友之中,最疼愛Nana,兆尊即時澄清:「唔係嘅,個個都一樣,佢係最百厭,(但你兩個溝通得最好!)佢嚟之前都被之前一個(女友)訓話咗,叫佢唔好亂講嘢,因為佢表達能力唔好,又講國語,要經個腦諗一諗先好啲!」
轉載自: 晴報
【你點睇】本港無人駕駛自動車最快本月底試運,你會否乘坐?► 立即投票