2024-03-27
吳若希電話被偷網上緝兇!鎖定電話曾出沒將軍澳:乖乖攞返嚟TVB
吳若希(Jinny)近日忙於拍攝新劇《奔跑吧!勇敢的女人們》,日前才大夥兒開開心心為同劇的演員蕭正楠慶祝生日,可惜轉個頭就發生不愉快事件。Jinny早前在社交平台分享電話被偷走的事,更在網上公開緝兇稱已鎖定電話的位置,呼籲手持她電話的人盡快將電話交到TVB。
Jinny在IG分享一張地圖照片,她留言說:「話說,我尋日喺灣仔滙豐銀行附近俾人偷咗部電話,電話嘅IMEI係35 323395 805050 2。16分鐘之前,佢喺將軍澳出現過!其實我都報咗警㗎啦~不如你乖乖哋攞返(番)返嚟TVB俾返我啦~~何必呢?」根據她提供的圖片,電話鎖定的位置是將軍澳維景灣畔附近,好友陳詩欣、麥美恩、戴祖儀、何遠東等都認同要找出「兇手」,不過茫茫人海,到底點搵?有網友建議Jinny將呼籲的句子轉成英文,Jinny自認英文不好,網友都自發性為她翻譯,非常窩心。網友們議論紛紛,Jinny坦言傷心足一晚,就算昨晚出席婚禮都未有機會拿電話影相拍片,非常可惜,「我好慘ga(呀)~ 好多通告係入面~ 依家做嘢都唔方便」
隨後,Jinny的歌迷會和麥美恩等都有發出呼籲,希望持有她電話的人可以盡快聯絡,方便交還。身在電視城開工的Jinny望住電話在同區,但就這麼近那麼遠的距離,令她都大感無奈,「我同部失機嘅距離,只有一條橋!」尤其是Jinny電話入面全部都是工作的內容以及仔女的照片,失去的話就非常可惜,認真陰公。
轉載自: 晴報
【你點睇】工聯會調查指外勞輸入政策影響漸現,多個行業失業比例較高,促暫停輸入外勞,你是否認同?► 立即投票