2024-03-20Photo: Instagram
袁澧林氣管過敏收窄入院!養貓7年突然對貓毛過敏?男護士用溫度紙拎簽名
文青女神演員袁澧林(Angela)早前喺社交平台自揭入院,突然出現過敏導致氣管收窄,聽落都覺得恐怖!
袁澧林Post出多張相,講述佢入院過程,留言:「太久沒回家,摸貓還能摸到進醫院真是天方夜譚,由於氣促呼吸不順暢,護士馬上推來輪椅給其實可以行走的我,我生平第一次被定義為緊急狀態被帶去分流房間,腦海中全是『omg原來會這樣』。」我問是甚麼事護士不能說要等醫生來,卻將心電圖儀器貼到我全身都是。還在我驚魂未定時幽幽地報價『那我說一下你所在的房間要 $xxx 元一小時』、『由於你呼吸還沒順暢起來我會監測著你,心電圖也跟你說一聲,費用是 $xx 半小時』做人真是奇妙,生存在世每天都有新的體驗。」
袁澧林仲因為今次突然不適影響工作:「我躺在病床上,感受著自己因入院而放了工作(圍讀日)飛機這件事,一邊萬分歉疚,一邊感恩終於可以睡一覺了——這兩個禮拜的日程實在⋯⋯」佢仲講笑話自己新買好fashion嘅褲,個pattern好襯醫院,話自己「自帶病人褲」,非常幽默。袁澧林透露令到佢過敏嘅原因係因為貓貓,本來都係好常見嘅事,不過最出奇嘅就係佢已經養咗貓7年:「報告:我沒有大礙,只是對貓毛過敏導致氣管收窄。重點:我貓養了七年 原來可以這樣,一覺醒來發現突然對自己的貓過敏的嗎?」
袁澧林最後喺story透露自己已經執緊嘢出院,要多謝醫生護士照顧,仲爆有男fans問佢拎簽名,承諾下次會「派福利」:「還有那個幫我量血壓的男護士,下次不要用溫度紙拿簽名啦!!俾張A4紙我,我下次幫你畫滿佢。」好友張繼聰都有留言慰問,佢就表示自己已去咗台灣繼續工作。唔少網民都叫佢好好休息,好大機會係因為休息唔夠令到免疫力下降先會突然爆發過敏。
轉載自: 晴報
【你點睇】巴黎奧運正式閉幕,今屆你感到最深刻的地方是?► 立即投票