2024-01-23
Twins演唱會首場撞正阿嬌鍾欣潼43歲生日!阿Sa蔡卓妍準備神秘驚喜失敗:我搞咗好耐呀呢壇嘢
蔡卓妍(阿Sa)及鍾欣潼(阿嬌)的組合Twins事隔9年再踏紅館,舉辦合共14場的 《TWINS SPIRIT》演唱會,適逢頭場是阿嬌43歲生日的大日子,不少粉絲都要撲頭場飛,更為偶像高舉燈牌慶祝,非常熱鬧。當晚,好友容祖兒、關智斌、泳兒、李幸倪、洪卓立等等都有捧場,星光熠熠。
(《晴報》圖片)
(《晴報》圖片)
Twins昨晚頭場演出,一開騷就已經大唱經典跳舞歌,《明愛暗戀補習社》、《ICHIBAN興奮》、《愛情當入樽》等掀起氣氛,更在《跅跅步哈姆太郎》一曲,重現「經典」的側手翻動作,兩人都年過40歲,但仍然活力十足,兩次側手翻都非常成功,厲害厲害。
阿Sa表示:「22年前,我哋出道咗400幾日就開咗第一個紅館演唱會,嗰時覺得係一個奇蹟,到咗今日,22年後,仍然能夠企喺呢個紅館舞台開演唱會,亦都覺得係一個奇蹟嚟呀!」阿嬌表示作為組合能夠長時間一齊不容易,其他可能會鬧翻、各自發展或者被淡忘,她都不知道何時是最後一次演唱會,阿Sa笑言:「你哋知啦,我哋兩個年紀都愈嚟愈大呀啦嘛,唔再係以前「口靚」妹仔,所以每一次都好珍惜,因為唔知係咪最後一次。」阿Sa表示兩人只要走在一起,就感覺重返年輕的時候,更追問大家入場有否變後生,她說:「望我哋多啲,聽我哋啲歌多啲,咁就係長生不老嘅秘訣,有冇覺得自己回春呀?」
Twins在尾聲剖白心聲時,阿Sa同阿嬌互相道謝時,一度落淚,場面感動,阿嬌說:「由細到大我都唔係自信嘅人,好多時我遇到困難會逃避,但你會走出嚟同我解決問題,幫我出頭,陪伴我、支持我。有你喺我身邊,你嘅自信、你嘅開朗係我學習對象,我以前做嘢成日都半途而廢,唯一冇放棄係我哋友誼,係維持得最長嘅!我好榮幸、好感恩遇見你,可以同你組成Twins,多謝你呀蔡卓妍!」
(《晴報》圖片)
演唱會Encore環節,阿Sa靜靜雞為生日的阿嬌準備神秘驚喜,向在場的觀眾派發手幅,反轉面砌成「GILL HBD」字樣,不過最終效果不太成功,阿Sa笑斥:「睇唔到添,其實寫咗Gil HBD,代表Happy Birthday,呢個係一個印象派嚟呀!因為全部人企晒前面,哎呀,你知唔知我搞咗好耐呀呢壇嘢,點解嗰度冇啦啦有忽藍色呀?」阿嬌笑言:「心意我收到,多謝大家!」
(《晴報》圖片)
(《晴報》圖片)
(《晴報》圖片)
(《晴報》圖片)
(《晴報》圖片)
(《晴報》圖片)
(《晴報》圖片)
(大會提供)
(大會提供)
轉載自: 晴報
【你點睇】本港無人駕駛自動車最快本月底試運,你會否乘坐?► 立即投票