2023-12-27
丁子朗《妳不是她》和馮盈盈床戰Man爆回歸!於《亞洲超星團》脂粉味太重被網民批:硬生生整成油膩奶油
無綫新劇《妳不是她》今晚聖誕節首播,男主角丁子朗(丁丁)拍完劇再參加選秀節目《亞洲超星團》,碰巧兩個節目輪住播,周六先看《亞洲超星團》韓風脂粉丁丁,到周一至五再睇昔日陽光黑實的丁丁,立即變黑得咗!
《亞洲超星團》新一集中大曬麒麟臂,曾獲Rain大讚表情精準。
跳唱《餓狼傳說》。
前日(23日)《亞洲超星團》播出最新一集,丁子朗與隊友組成的「狼堡家族隊」唱出《餓狼傳說》。「狼人殺隊」以型格punk look上陣,穿上背心的丁丁大曬結實麒麟臂,但仍不及其又厚又白的idol妝容搶鏡。其實,自從丁丁轉花美男形象參加《亞洲超星團》後,很多網民表示未能接受:「明明係個陽光man男孩!大好前程!硬生生整成油膩奶油!服了!」、「可唔可以變返以前嘅丁丁」、「長期自帶厚妝,一世唔落妝」、「拍埋啲後生仔度,怕顯老,睇得出佢比賽好大壓力」。
不過,在今晚首播的《妳不是她》中,丁丁終於man爆回歸,變回觀眾心中的健康膚色陽光男孩,丁丁黑白膚色不停變臉,未知觀眾會否睇得慣?劇中,丁丁跟女主角馮盈盈有大量親熱戲,如連體嬰般黐到實,二人都表示是拍劇以來與拍檔最多親密接觸一次。丁丁說:「呢套真係好多錫錫戲,因為係純愛情劇,好深入咁講愛情,咁難免會描述到情侶間嘅親密行為,就好似一對情侶每日都會有親密行為咁。事前監製April怕我哋尷尬,拍攝親密戲前會預留多啲時間綵排,希望出嚟效果會好,同令我哋拍得舒服啲同少啲壓力,好多謝監製佢哋。」
《妳不是她》劇情講述長不大兼冇擔帶的林信(丁子朗飾),與生活有規律兼做事認真嚴謹的夏莉(馮盈盈飾)拍拖兼同居三年;雖然明知性格不合兼熱戀褪色,但二人均選擇默默忍受,直到一次林信被夏莉發現暗地胡亂花掉20多萬元、加上背著自己與火辣美女同車,二人為此激烈爭執兼鬧分手,混亂間發生嚴重車禍…雖然大難不死,夏莉自此性情大變,由「苦悶情人」變身「趣味情人」,除了任勞任怨兼服侍周到,仲要玩得、talk得兼識拆彈;縱然聽落「筍到爆」,但身邊各種跡象均顯示夏莉相當有可疑,林信亦覺得親密枕邊人越來越陌生,最終林信發現夏莉一個驚天大秘密,令二人戀情面臨真正考驗…
轉載自: 晴報
《說說心理話》【驚恐症來襲】無預警發作...患者親身講述得病經歷及康復過程!必要時自己做一件事可幫到手!► 即睇