2023-12-18Text: 娛樂組
玲玲友情報|麥玲玲話龍年生B未必好?擇時辰剖腹產子人算不如天算?同婦產科醫生分析受孕機率較高時間
好多已婚男女,組織家庭之後,就想擁有自己的小孩,但生BB想佢哋條命好一點,通常有不少人都選擇用玄學方法來協助。堪輿學家麥玲玲為無線主持的新節目《玲玲友情報》,逢周三晚播出,昨晚(13 日)播出一集主題,就以「生仔唔係咁樣生」,拆解生小朋友的禁忌。
(大會提供)
麥玲玲師父會帶領黃紫恩(Jojo)和蔡景行 (行仔)主持這個節目,首集就講到生小孩的話題,亦找來婦產科醫生陳億仕擔任嘉賓,從醫學角度講解。玲玲師父先表示,龍年會特別多小朋友出世,她解釋︰「真係多啲人想追龍年小朋友,啲人覺得龍較尊貴。不過呢啲都係有辣有唔辣,入學讀書較大競爭。」
(大會提供)
(大會提供)
玲玲師父表示羊、虎和蛇年生肖較少人喜歡,而且事實上,屬羊的女性好多婚姻較差。她提到以往好多客人都會擇時辰剖腹產子,她提點當中難處︰「好多人擇日生仔,真實情況係得幾日可以揀。首先唔會揀半夜開刀,唔係實畀醫生鬧死。同埋記住運程好似一個餅,就係咁大,睇你想要乜嘢。以女仔為例,你要佢將來讀書叻,就可能嫁唔出;如果要嫁得好,可能佢第時年年考包尾,人算不如天算。」
至於陳醫生透露,香港男士精子活躍度較低,這個問題跟飲食、生活習慣有關。他又談到一些坊間生仔理論的謬誤,例如坊間盛傳禁慾有助懷孕、某些姿勢增加受孕機會,陳醫生笑說︰「反而定期射精,保持質素仲好。早上行房精子較活躍,懷孕機會大。食生蠔真係有用,入面有微量元素。但重點是否每日食、食幾多至有效。」他還叮囑想生育應避免進食高脂、高膽固醇的垃圾食物。
轉載自: 晴報
【你點睇】烏軍攻入俄國庫爾斯克州近兩周,並炸毀兩座重要橋樑,你認為俄烏戰爭會否急劇惡化?► 立即投票