2023-08-25
容祖兒個唱三度延期曾想腰斬?自稱單身中女:男又好女又好,都係無!
【晴報專訊】容祖兒的《ANOTHER SIDE MY SERECT LIVE演唱會》前晚在演藝學院舉行第30場,該場為慈善場,當晚共籌得100萬善款。34場演唱會現已進入倒數階段,祖兒談及期間因病而三度延期,令她意志消沉,曾想過取消餘下的全部場次。
祖兒今次演出有很多經歷,令她相當難忘。
容祖兒前晚舉行演唱會慈善場,不少觀眾配合大會主題穿上橙色服裝,祖兒對台下觀眾說︰「你哋全部都係大慈善家,又係着橙色,你哋係『慷慨絲』呀。」祖兒不時走近台邊跟觀眾互動,又以早前於台上「飛咪」一事自嘲︰「驚唔驚我跌支咪落台?」期間祖兒自稱單身中女,口快快問是否每一位成功女士都難有伴侶,一度把男朋友講成女朋友,台下即時起哄,祖兒即笑說︰「做乜啫,男又好女又好,都係無。」
對網民提議開棟篤笑,祖兒謙稱不敢越級挑戰。
完騷後受訪時,祖兒的聲線略帶疲累,她表示由於還有餘下四場,所以不能夠太用力說話。談及個唱期間因病而三度延期,祖兒坦言生病時十分憂慮,「有段時間我都好沮喪、好頹、好迷惘,仲提議不如取消餘下場次。多得演唱會導演彭秀慧教我點樣調節心態,佢同我講我哋做演出嘅,舞台就係醫生,雖然重啟個唱後嗰一個星期,我仲病緊,多謝觀眾嘅包容,又畀咗好多力量我,我先可以繼續落去。」
爆蔡卓妍努力物色男友
另外,對於好姊妹蔡卓妍(阿Sa)近日爆分手,祖兒坦言一早知情,但沒有特別慰問,「我哋有互相update對方嘅生活狀況,知知哋啦,(你哋可以一齊搵男朋友?)我讓畀佢先,佢話唔再介紹男仔畀我,有都留番畀自己先喎。」
祖兒模仿薛家燕演繹的廣東版《FLOWER》,前晚捧場的家燕姐則在台下一起跳開花舞。
轉載自: 晴報
《說說心理話》【驚恐症來襲】無預警發作...患者親身講述得病經歷及康復過程!必要時自己做一件事可幫到手!► 即睇