2023-07-28
離巢無綫後獲ViuTV接洽 蔣志光:《破毒強人》播完先諗
【晴報專訊】效力無綫逾30載的蔣志光,早前被爆與娘家結束賓主關係。昨日他宣傳TVB新劇《破毒強人》,透露去年已回復自由身,也承認獲ViuTV接洽,不過他強調要履行宣傳告別作《破》劇的責任,待劇集播畢後才思考去向。
蔣志光下月到佛山登台,笑言趁自由身搵真銀。
陳豪(阿Mo)、胡定欣、蔣志光及郭柏妍等,昨日宣傳下周一首播的《破毒強人》。在劇中飾演「毒王」的蔣志光承認去年已回復自由身,《破》劇是其TVB告別作。他說:「完咗約對我嚟講,唔係即刻可以跳去第二度地方做嘢嘅人。」他自言就算無約在身,亦要履行宣傳劇集的責任,「我要等成套劇完咗、做完宣傳後,(與無綫)個關係先叫做暫告一段落。」
蔣志光承認獲電影公司及其他電視台邀約,包括ViuTV,他強調曾獲無綫挽留:「TVB有同我續約,問題係自己想轉換環境,做下其他嘢。(續約條件未能打動?)唔關事,從來都唔係呢樣嘢,我同TVB只有一個條件,就係唔好迫我做一啲唔鍾意做嘅事。(TVB有迫你?)無無無。」問到ViuTV開出的條件更優越?他說:「唔知,我無回覆,傾都無傾,我嘅原則係套劇完咗之後(洽談去向)。」他笑言如今有時間重投音樂,「依家輕鬆咗,可以寫下歌同劇本。(忙過以前?)唔會,唔想做咁多,我不嬲都係悠閒嘅人。」
郭柏妍斜孭袋Look無機心
同場的郭柏妍早前拍片參與周星馳新戲《少林女足》招募,她說:「我一直想喺唔同前輩身邊學習,雖然我唔識踢波,但可以即刻學,幾艱苦都得。」有網民取笑她在片段中的背心加斜孭袋造型機心重?她笑說︰「咁啱當日服飾係咁啫。」
郭柏妍在自薦片中大曬青春活力。(IG截圖)
轉載自: 晴報
《說說心理話》【驚恐症來襲】無預警發作...患者親身講述得病經歷及康復過程!必要時自己做一件事可幫到手!► 即睇