2023-02-10
為失蹤兩個月解畫 許子萱否認壓力大解約
【晴報專訊】應屆港姐亞軍許子萱(Cecca)早前多次缺席港姐活動,盛傳她不堪壓力要求跟無綫提早解約。然而,許子萱昨日突然現身無綫新春團拜,即場為「失蹤」解畫,她指向公司請假以完成舊公司職務,並承諾未來會履行港姐職責。
許子萱否認要求提早解約傳聞。
(左起)邢慧敏、許子萱、林鈺洧及梁超怡相隔兩個多月再「合體」。
無綫昨日舉行「無綫癸卯年新春團拜嘉年華」,出席者有無綫主席許濤及各高層,還有應屆港姐冠軍林鈺洧、季軍梁超怡、友誼小姐邢慧敏及數百位職藝員,最驚喜的是沒有在名單中的許子萱,以一身紅衣打扮突然現身。她於在現場玩遊戲時連中三元,三度上台領獎,主持朱凱婷笑指許子萱勁旺,叫她加簽30年合約,台下樂易玲等高層紛紛點頭和應。
許子萱昨日超旺三度中獎,在無綫主席許濤手中接過獎品。
許子萱受訪時,被問到為何「失蹤」多時?她稱向TVB請了兩個多月假期︰「因為參選前我任職金融公司,係同舊公司請假嚟參選,參選完咗之後,就要返去完成埋啲工作,有始有終先可以繼續履行我嘅職責。(傳你不堪壓力提早解約?)無咁嘅事,我份人無乜優點,但抗壓能力都算高,而且之前做金融都好辛苦,所以唔會壓力大就走咗去。」
林鈺洧不清楚失場原因
提到因解約風波被網民批評,許子萱與網民開火叫人「滾」,她說︰「係一個網民啫,我本身攻擊性唔係咁強,一般呢啲留言都不予理睬,但嗰位先生騷擾咗我好耐,又打電話畀我,所以我先有咁嘅評論;客觀嘅意見我會接受會去改,但如果係人身攻擊,我就會隊番佢。公司都有向我了解,會幫我處理呢啲問題。(願意同公司簽30年合約?)公司肯要我30年先算啦,到時可能會嫌棄我,我就當然希望啦。」林鈺洧亦表示︰「雖然唔知佢咩原因請假,不過佢已經返嚟,所以新聞唔係真。」
轉載自: 晴報
【你點睇】有健身中心宣布全線暫時結業,議員指巨額預繳式長約並不合理,你日後若「入會」會更留意邊方面?► 立即投票