2022-02-28
暗示母子關係和好如初 梅啟明開火斥姪仔操控梅媽
【晴報專訊】梅啟明早前與母親梅覃美金(梅媽)關係決裂,更被經濟封鎖。他昨日忽然召集傳媒,狂數姪仔梅柏麟教唆梅媽登報,與他脫離母子關係,又直斥對方操控母親的財政大權;梅啟明亦透露自己曾與鬧翻的母親電話聯絡,「老人家朝早鬧完,下午就無嘢。」言語間暗示母子已和好如初。
梅啟明展示聲明,揚言被人阻撓到醫院探望母親。
梅啟明指母親登報脫離關係只是一時晦氣說話。(資料圖片)
昨午梅啟明在北角見傳媒,聲稱有人冒充梅媽登報,矛頭直指其姪仔梅柏麟。他展示報案紙,並說︰「我早幾日問清楚阿媽,佢話唔知登報呢件事。後來我搵阿媽嘅私人助理兼護士鄭姑娘,佢話唔關佢事,再追問落去我就心中有數。」梅啟明聲稱姪仔在背後操控母親的財政,揚言必定追究到底,他表示︰「佢四十幾歲同我一齊住,我噚晚問咗佢,佢話要同鄭姑娘當面對質。(有咩證據?)鄭姑娘係人證。」
呻農曆年後未見母親
梅啟明早前自揭每月有20,000元生活費,被「閂水喉」的他表明︰「過年阿媽都會畀利是,但今年無,姪仔成日同佢女友喺醫院出入,可以教唆同誤導,但我入唔到醫院探阿媽。佢(姪仔)一向無大無細,我啲仔叫佢都唔睬。(姪仔對梅媽如何?)我唔知,佢四十幾歲人食飯仲要梅媽摵啲雞肉畀佢,阿媽當佢仔一樣。」
至於與梅媽現時的關係,梅啟明承認農曆新年至今也未見過母親,但有電話聯絡,得悉對方剛打新冠肺炎疫苗。母子二人是否和好?梅啟明解釋︰「老人家朝早鬧完,下午就無嘢。(梅媽指唔告《梅艷芳》電影公司就原諒你?)官司慢慢傾,等佢出院先。」另外,梅啟明強調已要求醫院提供病房的出入紀錄︰「醫院話要等上邊批,如果佢畀唔到我會作出投訴。」
轉載自: 晴報
【與拍賣官看藝術】常玉作品屢創天價,背後其實藏著跌宕起伏的人生► 即睇