重談去年抑鬱想自殺 魏駿傑︰上網睇症狀先知

　　【晴報專訊】魏駿傑日前接受電台訪問時，自爆去年曾患上抑鬱症，更想過自殺，情況令人擔憂；昨日他出席舞台劇綵排時親自解畫，透露是在疫情下壓力太大所致，幸經過治療後已完全康復。

魏駿傑指現時自己180多磅，希望再減多十磅以最佳狀態見人。

　　魏駿傑、黃建東等昨日為下月舉行的舞台劇《老公~你好悶呀！》綵排，魏駿傑透露已有31年沒踏上台板，他講笑謂︰「多謝TVB當年嘅栽培，令我放低咗舞台劇。」為配合角色，魏駿傑揚言要減肥︰「我個角色係過氣嘅上流人士，因為要着西裝，所以至少要減十磅。」

　　提到曾患上抑鬱症一事，魏駿傑解釋是在疫情期間發生︰「最主要係無得返大陸、無嘢做、無得健身做運動，個女無得返學要上Zoom，困喺屋企影響好大，好彩個女唔知；我都係上網睇下啲症狀先知，十個中咗九個。」他指當時有看醫生食藥，幸情況不太嚴重，現已痊癒。而就讀六年級的女兒已開學，魏駿傑透露每天綵排完畢，便會回家教女兒做功課，「希望佢順利升到原校，如果升唔到就送佢去北京，不過最緊要有我陪住佢。如果我唔得閒，我前妻都會幫手照顧阿女，我哋關係都好好，做番朋友，因為嬲一個人好辛苦。」

黃建東排戲爸爸上身

魏駿傑與一眾演員昨日為舞台劇綵排。

　　另外，在劇中飾演律師的黃建東，形容角色十分保守，感覺像自己的爸爸，他笑指︰「我爸爸都係唔敢正面同人講嘢，好閃縮，我就好似扮緊佢。」黃建東又透露胞弟將於今年12月結婚，他笑指自己和母親都想弟弟大宴親朋，所以很想要插手弟弟的婚事，並表示正考慮送酒席給他。

轉載自: 晴報

【你點睇？】美國總統大選在即，你認為誰將最終當選？► 立即投票