2021-08-10
雷有輝尾場向林家謙示愛 太極Ricky公開感謝戴夢夢
【晴報專訊】太極樂隊前晚舉行紅館騷尾場,邀得葉蒨文(沙麗)、夏韶聲,以及人氣當旺的唱作歌手林家謙和MIRROR成員江熚生(AK)任嘉賓。太極鼓手朱翰博(Ricky)在台上公開答謝舊愛戴夢夢,他形容二人關係如過山車,未知是否翻撻有望。
AK舉機與太極在台上自拍,眾人玩得非常開心。
太極樂隊前晚與嘉賓齊齊jam歌,氣氛熱烈,已故太極鍵琴手唐奕聰(Gary Tong)遺孀亦連續兩晚捧場。當林家謙出場時,太極主音雷有輝(Patrick)扮女粉絲公開示愛說:「家謙,我愛你!」及後Patrick在家謙鋼琴伴奏下,唱出《怪你過份美麗》。太極亦邀得葉蒨文一起合唱《乾一杯》,沙麗搞笑說要走人:「你哋講咁多嘢都唔畀我講,咁我返屋企瞓覺喇!」
雷有輝(右)大讚林家謙彈琴時甚有魅力。
葉蒨文搞笑「投訴」無機會發言。
致謝各大支持單位環節時,Patrick抵死叫朱翰博向盛傳翻撻的戴夢夢致謝,Ricky大方說︰「多謝大名娛樂,戴夢夢小姐高層。」Encore環節嘉賓AK要求跟太極合照,Patrick興奮答應︰「有得同AK合照喎,你哋恨唔到㗎!」個唱尾聲,五子逐一答謝Gary太太,鄧建明說:「如果你夢見Gary,麻煩叫佢幫我搵番張八達通,之前去拜祭佢時跌咗,不過Gary好有善心,應該想我做善事。」Ricky則希望Gary太太開心繼續生活。及後Patrick唱《一生不再說別離》時哽咽落淚,Joey亦眼濕濕,最後全場合唱《留住我吧》獻給Gary,演唱會完美謝幕。
感情事似過山車
戴夢夢
五子完騷後受訪,Joey笑言覺得Gary在背後「發功」,令他們在尾場精神奕奕。提到Ricky與戴夢夢交情匪淺,Patrick即搶答︰「依家疏遠咗少少!」Ricky則形容雙方關係似過山車︰「行緊,時上時落。(翻撻?過山車去到咩位?)落完準備上番,但又唔夠力,所以跣下跣下!」似暗示有機會復合。
轉載自: 晴報
【你點睇】有健身中心宣布全線暫時結業,議員指巨額預繳式長約並不合理,你日後若「入會」會更留意邊方面?► 立即投票