2021-07-27
產後首度亮相 余香凝極速修身復出
【晴報專訊】余香凝昨日產後復出拍攝紮肚廣告,誕下女兒Clare兩個多月的她,透露已減掉35磅,瘦身大計十分順利;而最令她開心的是,老公雖然有了「前世情人」,但她的地位仍穩如泰山。
余香凝昨日亮相時已明顯修身,狀態大勇。
余香凝昨日以一身白色打扮現身,露出腰肢及纖幼手腳,她表示︰「依家食嘢主要係清蒸,食番個原味,同埋個女係我嘅訓練員,佢成日要我抱,我當做運動減肥。我入院生B嗰陣165磅,依家減咗35磅,仲爭十磅就達標;條腰依家就27吋,仲爭兩吋就番去生之前(嘅腰圍)。」
讚老公神隊友
余香凝五月底誕下囡囡Clare。
有女萬事足的她,大讚女兒遺傳了自己的演藝細胞,看到鏡頭即眼仔碌碌望實,她說︰「我讀幼稚園已經成日參加歌唱同朗誦比賽,希望佢都好似我咁有表演慾。」至於湊女方面,余香凝大讚老公是神隊友,經常半夜起床沖奶及餵奶,她笑言︰「我坐月時脾氣好差,依家見老公半夜起身,都會叫佢去隔籬房瞓,等佢瞓得舒服啲。」
至於老公回家先錫自己定囡囡?余香凝甜笑表示︰「咁都係錫我先,地位無動搖,佢個手機wallpaper仲係我哋結婚相。」提到胞妹余潔滢參加《全民造星IV》,余香凝坦言會極力支持︰「佢唱歌、跳舞都好叻,性格又好,一定唔會畀人影到乞人憎一面。」
轉載自: 晴報
【你點睇】當局擬放寬九龍東商業區土地用途,有議員認為應推廣至全港都開放些少,你是否認同?► 立即投票