坐電車拍MV昅靚仔 鄭欣宜羨慕Serrini有靚腰

　　【晴報專訊】鄭欣宜早前推出的新歌《先哭為敬》好評如潮，眼見獨唱版反應好，欣宜特別邀請作曲人、Chill Club頒獎禮女歌手銀獎得主Serrini，來一個合唱版《先哭為敬（尾班車Version）》，更包了一架電車遊叮叮河拍MV，順便昅靚仔！

 

 

二人遊叮叮河拍MV時，風騷向途人揮手。

 

　　今年年頭，欣宜與Serrini在叱咤頒獎禮同場後，引發網民熱話，紛紛留言希望她們合作演出。原來欣宜去年已主動向唱片公司提出想跟Serrini合作，到今年終於如願以償。欣宜透露由歌曲demo到拍MV前，與Serrini一直只是「網友」，直到拍MV當日才首次見面。欣宜說︰「我好鍾意Serrini嘅歌聲同風格，我覺得我同佢好似同一塊布料裁出嚟咁，各有風格但又好夾。」

 

欣宜昨日自爆因「中女冷氣吹親」而身體不適。（IG截圖）

 

　　原來《先哭為敬》的demo歌名只寫上《男人歌》，欣宜笑言因性格好勝「唔輸得」，見到歌名便決定一定要唱這首歌，更追問有份作曲的Serrini究竟本來打算寫給誰。不過Serrini說︰「其實呢首歌原本只係諗住寫畀男歌手，無話特定邊位男歌手。」合唱版MV拍攝當日，唱片公司包了一架電車遊走銅鑼灣、跑馬地和中環，欣宜和Serrini心情大靚，扭腰跳舞又風騷向途人揮手，更擺甫士任影唔嬲。她們又在電車上指指點點，原來一齊(目及)靚仔！

 

大個女唔做喊包

 

欣宜（右）與Serrini一見如故，大家同聲同氣。

 

　　初次見面，欣宜激讚Serrini︰「我好羡慕佢條腰，因為我無呀！」Serrini即自爆︰「其實我有戴腰封！」Serrini則大讚欣宜皮膚靚又有自信，但欣宜坦言︰「我試過素顏戴帽以為無人發現，結果一樣被人認出，索性擺埋甫士，最緊要影得我靚。」講到「哭」，她們異口同聲表示大個女，不會隨便流淚，Serrini說︰「依家只會睇戲或者同朋友傾偈會眼濕濕。」欣宜非常認同︰「我依家好少因為辛苦或傷心而喊，反而見到人哋將負面情緒轉化為正面力量，我就會感動到喊。」

 

轉載自: 晴報

• 

【香港好去處】etnet全新頻道盛大推出！全港最齊盛事活動資訊盡在掌握！► 即睇