4場非一般紅館騷落幕 Juno終現身與Kay合唱《羅生門》

　　【晴報專訊】一連四晚《kay…isn't me. Live 2019》演唱會前晚圓滿結束，適逢是尾場兼周末，謝安琪（Kay）老公張繼聰特別攜同一對仔女張瞻及張靖捧場，不過囡囡太細個，看了一會便回家瞓覺。有份籌備今次演唱會的麥浚龍（Juno）終於壓軸登場，成為唯一的嘉賓。

 

麥浚龍上台合唱為觀眾帶來驚喜。

 

　　謝安琪今次個唱充滿實驗性，成功掀起話題，頭三場皆沒有特別嘉賓，Juno在前晚尾場上台與Kay合唱《羅生門》成為彩蛋，但兩人依然沒有一句對白，零交談，隔着一條樓梯對唱。唱完後，Juno才上樓梯與Kay一起向觀眾鞠躬謝幕，歡呼聲震撼全場，成為全晚的高潮。Kay於最後一幕換上全新的歌衫，頭上戴着反轉了的草帽，寓意人生不要墨守成規，有時可以按自己心意做人，所以將帽子反轉戴。

 

Kay在尾場換新裝，她把草帽反轉戴，寓意人生不要墨守成規。

 

　　Kay完騷後接受訪問，問她全晚「零說話」是否忍得好辛苦？她表示︰「我覺得唔需要用說話去溝通，大家跟隨我哋嘅表演就可以好好咁交流，呢個係我最初嘅概念，都為我帶嚟壓力，所以都唔易做。每次出場，好似有四堵牆喺中間，我會當成個場只得我一個。」

 

否認模仿王菲作風

 

　　由於Kay刻意沒跟觀眾說話，所以被指演出似是模仿王菲，她直言沒這樣的想法，「可能唔講嘢係共通點，但我哋只想忠於原著。其實最後都畀咗個surprise大家，所以Juno才會上台。」提到很多金曲都沒有唱，Kay解釋︰「作為歌手應該要逼自己創新，否則唔會有新經典，向前行需要勇氣，調整心態好重要。」

 

完成尾場，Juno與Kay感謝大家一起度過美好的四個晚上。

 

　　至於個唱上發放的紙碎亦很特別，印有不同的文字，她表示︰「平常演唱會放紙碎係為咗靚，我哋想係送個祝福，希望大家喺字裏行間，收到我哋嘅心意。」Kay又透露，舞台製作共花了約2,000萬港元，她更特別感謝古天樂抽空演出兩條短片。

 

轉載自: 晴報

• 

【你點睇？】民主派初選案，45名罪成被告判囚4年2個月至10年不等，你認為判刑是否具阻嚇作用？► 立即投票