2019-06-11
陳慧琳爆蝦餃仔變肥仔
【晴報專訊】陳慧琳(Kelly)與張智霖(Chilam)昨日出席美心月餅活動,兩人談到兒子快高長大,Kelly笑指大仔劉昇(蝦餃仔)鍾意食牛扒,食到變肥仔。而Chilam則說囝囝張慕童(魔童)瘦到似條「藤」。
陳慧琳計劃入紙申請明年暑假在紅館開騷。
陳慧琳和張智霖連續第五年合作拍攝月餅廣告,問到酬勞是否年年加?兩人即搞笑地向對方「探口風」,Kelly表示︰「都合理嘅,有少少提升。」Chilam則回應︰「我唔係講呢啲,係講心。月餅像是形容一家人,那種好團結嘅感覺。」
報暑期游水及網球班
張智霖和陳慧琳皆表示暑假會帶家人遊歐洲。
Chilam的囝囝今年12歲,而Kelly的大仔劉昇(蝦餃仔)快將10歲,細仔劉琛(小龍包)亦已七歲,不過三位小朋友仍未有機會碰面。Chilam提議︰「魔童做哥哥,可以教佢哋玩滑板。」Kelly笑言︰「好呀,可以減肥,佢(蝦餃仔)依家好肥呀,都幾食得,會瞌埋眼歎牛扒。細仔都開始肥,佢一係唔食,鍾意就食三碗飯。(唔怕玩滑板危險?)唔怕,想佢哋有運動,暑假都幫佢哋報咗游水同網球班。」
至於Chilam則取笑魔童瘦到似一條「藤」,他說︰「佢鍾意食零食,但唔係好肥,佢有模特兒身材,個樣好baby face,但有六嚿腹肌,好奇怪嘅組合。」
轉載自: 晴報
【你點睇】工聯會調查指外勞輸入政策影響漸現,多個行業失業比例較高,促暫停輸入外勞,你是否認同?► 立即投票